ვიდეო, რომელიც სოციალურ ქსელში დიდი ხნის წინ განთავსდა, მაგრამ მაყურებლმა ლუნას ეკრანზე გამოჩნის შემდგ აიტაცა, ყველასთვის საყვარელი გმირის „სავიზიტო ბარათი“ აღმოჩნდა. ამის შესახებ უკვე პოპულარულმა მსახიობმა ქეთი ხუციშვილმა „ნანუკას შოუში“ ისაუბრა. ვიდეოს მთავარი ოპერატორი და პროდიუსერი კი ქთის და გახლავთ.

ქეთი ხუციშვილი: „ზოგადად ბავშვობიდანვე მიყვარს პაროდიების კეთება. ქართლიდან ვარ წარმოშობით და ხშირად სოფელში ვისვენებდით ხოლმე. ამიტომ ქართლელების ინტონაცია, ჟღერადობა, მანერა ძალიან კარგად მაქვს ათვისებული. ხან მეზობლების პაროდიას ვაკეთებდი, ხან ნათესავების. ერთ დღესაც ჩემმა დამ მთხოვა ჭურჭლი დამირეცხე მე საქმე მაქვსო. სწორედ ამ ჭურჭლის რეცხვისას მომივიდა თავში ქართველი ქალის გაბრაზება გამეკეთებინა. კარგა ხანი გაგრძელდა ეს წივილ-კივილი. როლში შევედი. ბოლოს გავხდე ჩემს დას და კვდება სიცილით, თან იწერს ამ ყველაფერს.

მერე ჩემი თხოვნის მიუხედავად, (მე არ მინდოდა) „ფეისბუქზე“ ატვირთა. რასაც უამრავი გამოხმაურება მოჰყვა. გავიდა რაღაც პერიოდი და „ჩემი ცოლის დაქალების“ სცენარისტმა ქეთი დევდარიანმა დამირეკა.

ქასთინგზე

ძალიან შეშინებული ვიყავი, ჩემს დასაც ველაპარაკე, მეთქი ვერ წავალ, არ შემიძლია... ერთია რომ ჩემს ახლობლებში, ოჯახში, სანათესაოში რაღაც გავიცინებ და გავაცინებ ხალხს და მეორე გარეთ როგორ გავიტან ამას, ძალიან დიდი საპასუხისმგბლო იყო ეს ყველაფერი. მაგრამ მერე თავში ერთმა აზრმა გამიელვა - ახლა ან დაიწყება ან დამთავრდება ეს ყველაფრი.

ვერ ავხსნი თუ რა მოხდა ჩემში. უცებ, ქეთი ხუციშვილი რომ დადგება განზე და ლუნა მაზიაშვილი ჩასახლდება, ზუსტად ეს იყო... იმდენად შევედი როლში, რომ ჩემს გარშემო ვერაფერს ვამჩნევდი, ვერც გადამღებ ჯგუფს ვხედავდი, ვერც რეჟისორს, ვერავის... სადღაც ვიყავი და ვიყავი მხოლოდ ლუნა. ბოლოს მე თვითონ ძლივს გამოვედი ამ როლიდან და დავუბრუნდი ისევ ქეთი ხუციშვილს.