სტუდენტებისთვის ბიზნესის განვითარებისადმი მიძღვნილიTeamLab Georgia-ს სემინარი, რომელიც საქართველოს კულტურისა და ძეგლთა დაცვის სამინისტროსა და ევროკავშირის აღმოსავლეთ პარტნიორობის პროგრამის „ კულტურა და კრეატიულობა“ ერთობლივი ორგანიზებით იმართება, თბილისში ტექნოპარკის ტერიტორიაზე 10 დეკემბერს ჩატარდება.

TeamLab Georgia – ერთდღიანი სემინარია, რომლის მიზანი ერთობლივი პროექტებისა და იდეების შემუშავებაა, მიმართული იქნება სხვადასხვა სფეროს წარმომადგენლებს შორის თანამშრომლობის გაღრმავებაზე. სემინარის მონაწილეები ერთმანეთს ბიზნეს-იდეებს გაუზიარებენ და სემინარის წამყვანებთან და ექსპერტებთან ერთად განიხილავენ და შეაფასებენ მათ.

სემინარის მონაწილეთა საუკეთესო გუნდი 2017 წლის აპრილ-მაისის თვეში ევროკავშირის ერთ-ერთ ქვეყანაში საგანმანათლებლო ტურში გაემგზავრება, რათა გაეცნოს სხვადასხვა ქვეყნის ინდუსტრიას. სემინარის ყველა მონაწილეს სერტიფიკატები გადაეცემათ.

სემინარში მონაწილეობის მიღება შეუძლია ნებისმიერ მსურველს, ვისაც აინტერესებს ინოვაციები, ახალი სამეწარმეო იდეები და ტექნოლოგიები.

TeamLab Georgia მოწოდებულია სტუდენტებს დაეხმაროს ჯგუფურ მუშაობაში და იდეების განხორციელებაში. სემინარის ფარგლებში სხვადასხვა პროფილის სტუდენტები გაერთიანდებიან მათ მიერ არჩეული იდეის მიხედვით ჩამოყალიბებული გუნდებში. სემინარის წამყვანები სტუდენტებს ბიზნეს-გეგმის, საქმიანი წინადადებებისა და პრიორიტეტების დასახვაში დაეხმარებიან. ექსპერტების სპეციალური ჯგუფი სემინარის ბოლოს გამარჯვებულ გუნდს გამოავლენს.

სემინარში მონაწილეობის მსურველებმა 25 ნოემბრამდე უნდა წარმოადგინონ განაცხადი და შეავსონ შესაბამის ფორმა - https://goo.gl/hu6ej0 .

გარდა ამისა, დაინტერესებულ პირებს შეუძლიათ სემინარის შესახებ ინფორმაციას გაეცნონ Facebook-ის გვერდზე https://www.facebook.com/events/362941224043483/

ან ეწვიონ ვებ-გვერდს - http://creativegeorgia.ge/cg/News/TeamLAB-Georgia.aspx

ასევე შესაძლებელია სემინარის ორგანიზატორებთან დაკავშირება ნომერზე: +995 593 224 286 ან ელექტრონული ფოსტის მეშვეობით helen.mechitova@gmail.com.

ВИДЕОРОЛИК ДЛЯ ВСТАВКИ В ТЕКСТ - https://www.youtube.com/watch?v=R3e2UTxrmXM