ახალი დეტალები 16 წლის გოგონას გარდაცვალების საქმეში

საზოგადოება - 16:06, 21 Nov, 2016

41361

თბილისში, შარტავას ქუჩაზე 16 წლის გოგონას ცხედარი იპოვეს.
გოგონა მშენებარე კორპუსის სარდაფში საკუთარმა დამ და ობიექტზე დასაქმებულმა პირმა იპოვა.

ადგილობრივების განცხადებით, მარიამ ჯ.-ს ოჯახი რამდენიმე დღის განმავლობაში ეძებდა. გარდაცვლილის მამა ყოფილი საბურთალოს ბაზრის ტერიტორიაზე ხილს სექციაში მუშაობს. ოჯახი პოლიტექნიკური ინსტიტუტის საერთო საცხოვრებელში ქირით ცხოვრობს.

შარტავას #43-ში, მშენებარე კორპუსის ტერიტორიაზე ნაპოვნი 16 წლის გოგონას ცხედარი ექსპერტიზაზეა გადასვენებული. თვითმხილველების თქმით, გარდაცვლილს სხეულზე დაზიანებები არ აღენიშნება.

მომხდარის ირგვლივ სხვადასხვა ვერსიები ვრცელდება. ერთ-ერეთი ვერსიით "შეყვარებულთან კონფლიქტი" სახელდება. ადგილობრივები ასევე აცხადებენ, რომ მშენებარე კორპუსის სარდაფში ხშირად ახალგაზრდები იკრიბებიან.
"გოგონას ბოლო დღეების განმავლობაში ეძებდნდნ, ის დღეს დილით, დას და მუშებს უპოვიათ. გუშინ მშენებარე კორპუსში დაცვას ახალგაზრდების ჯგუფი შეუნიშნავს და მათთვის ტერიტორიის დატოვება მოუთხოვია, დღეს კი გოგონა სარდაფში მუშამ და საკუთარმა დამ ნახეს"- აცხადდებენ თვითმხილველები.

გარდაცვლილის ოჯახი წარმოშობით ადიგენიდანაა. მათ კიდევ სამი შვილი ჰყავთ. გარდაცვლილი მათი უფროსი შვილი იყო.

როგორც "ნიუპოსტს" შს სამინისტროში განუცხადეს, საქმე სისხლის სამართლის კოდექსის 115-ე მუხლითაა აღძრული, რაც თვითმკვლელობამდე მიყვანას გულისხმობს.