ცნობილი ქართველი რეჟისორი გიზო ჟორდანია 82 წლის ასაკში გარდაიცვალა. ის არაერთი ჯილდოს მფლობელი და პრემიის ლაურეატი იყო. 2014 წელს, 80 წლის საიუბილეო თარიღის ფარგლებში, ხელოვნებაში შეტანილი განსაკუთრებული წვლილისთვის, საქართველოს კულტურისა და ძეგლთა დაცვის სამინისტროს უმაღლესი ჯილდოთი "ხელოვნების ქურუმით" დაჯილდოვდა.

გიზო ჟორდანიას დადგმული აქვს 100-ზე მეტი სპექტაკლი, 70-ზე მეტი შოუ და სახალხო დღესასწაული როგორც საქართველოში ისე საზღვარგარეთ.

„ჰაჯი-მურატი“, “ხოგაის მინდია”, “სამანიშვილის დედინაცვალი” , “ანა ფრანკის დღიური”, “ჰამლეტი” , “აბესალომ და ეთერი”, “სამგროშიანი ოპერა”- რეჟისორის შემოქმედების მხოლოდ მცირე ჩამონათვალია.