"ნიუპოსტის" მთავარმა რედაქტორმა ევროკავშირის ეგიდით ჩატარებულ მედიაკონკურსში გაიმარჯვა

საზოგადოება - 16:55, 17 Nov, 2016

4916

საქველმოქმედო ჰუმანიტარული ცენტრი „აფხაზეთის“ მიერ, ევროკავშირის პროექტის ფარგლებში ჩატარებულ მედიაკონკურსში, "ნიუპოსტის" მთავარმა რედაქტორმა, ანა კობაიძემ გაიმარჯვა. პროქეტის ფარგლებში, CCHA-მ აფხაზეთიდან დევნილი მოსახლეობის პირობების შესახებ მომზადებული საუკეთესო ნაშრომები გამოავლინა. საკონკურსო 15-ი ნამუშევრის შორის ანა კობაიძის სტატია - „ოცნებაგამქრალი დევნილები და პრობლემები, რომელიც ლამაზად "შეფუთული" დასახლებების მაცხოვრებლებს მეორედ დევნის“ - საუკეთესოდ დასახელდა.

გამარჯვებულ ნამუშევართა შორისაა Georgia Today”-ს რედაქტორის ქეით დევისის - "Give a Man a Fish… Georgian IDPs in Western Georgia".

საუკეთესო სამეულში მოხვდა ჟურნალისტ ლიკა ჟორჟოლიანის სტატიაც: «Квартирный вопрос» для беженца, რომელიც newcaucasus.com - ზე გამოქვეყნდდა.

ჰუმანიტარულმა ცენტრმა CHCA მიმდინარე წლის 13 ნოემბერს საუკეთესო სტატიის შექმნისა და მედია ტურში მონაწილეობისათვის ჟურნალისტებს დიპლპმები და ძვირადღირებული საჩუქრები გადასცა. მედიის წარმომადგენლები 23, 24 25 სექტემბერს ქუთაისის, წყალტუბოს, ზუგდიდის, ფოთის და ბათუმის დევნილთა დასახლებებს ესტუმრნენ. მათ დაათვალიერეს დევნილთა საცხოვრებელი პირობები და გაესაუბრნენ დევნილებს. ჟურნალისტებმა დევნილთა პრობლემებსა და მდგომარეობაზე ონლაინ და ბეჭდურ მედიაში ნამუშევრები გამოაქვეყნეს. სპეციალურმა ჟიურიმ ნამუშევრები შეაფასა და მათ შორის სამი საუკეთესო სტატია გამოავლინა. საუკეთესო სტატიის ავტორებს პლანშეტები გადაეცათ. კონსკურსში მონაწილეობას სხვადასხვა მედიიდან 15 ჟურნალისტი იღებდა.

ღონისძიება ჩატარდა პროექტის „დამოკიდებულებიდან თვითკმარობამდე“ ფარგლებში. საქველმოქმედო ჰუმანიტარული ცენტრი „აფხაზეთი“ (CHCA) ლტოლვილთა დანიის საბჭოსთან (DRC) ერთად ევროკავშირის (EU) ფინანსური ხელშეწყობით 2015-2016 წწ. ახორციელებდა მასშტაბურ პროექტს „დამოკიდებულებიდან თვითკმარობამდე - ინოვაციური და ეფექტური საარსებო წყაროების გადაწყვეტილებები საქართველოსთვის”. პროექტის მიზანი გახლდათ იძულებით გადაადგილებული და მასპინძელი თემების ეკონომიკური ინტეგრაციის ხელშეწყობა გრძელვადიანი და მდგრადი საარსებო წყაროების შესაძლებლობების უზრუნველყოფის გზით. პროექტი საქართველოს 5 ქალაქში (ქუთაისი, წყალტუბო, ფოთი, ზუგდიდი, ბათუმი) მიმდინარეობდა.