,,რუსულ-ქართული ვაი თარგმანი ,,ნიკორას“ პროდუქციაზე“

საზოგადოება - 19:04, 16 Nov, 2016

15002

ქართულ ბაზარზე არსებული პროდუქციის ბუკლეტებზე დატანილ წარწერებში გამოვლენილ ბარბარიზმებზე წერს ,,სამოქალაქო პლატფორმა #ახალი საქართველოს“ თანადამფუძნებელი შორენა ლობჟანიძე. ამის მაგალითად მას ,,ნიკორაში“ შეძენილი პროდუქცია მოჰყავს.

,,სამწუხაროა, როდესაც აწყდები ქართული ენაში ბარბარიზმის მაგალითებს იმ დროს, როდესაც უცხო ენიდან შემოსულ სიტყვებს ქართულ ენაში აქვთ შესატყვისი (თარგმანი).

დღეს ,,ნიკორა“-ში შეძენილ პროდუქციას გამოაყოლეს ფასდაკლებების აქციის ბუკლეტი, სადაც ვკითხულობთ რუსულ-ქართულ ვაი თარგმანს:

1. ,,მზარეული“ ვარენიკი ყველით

2. ,,დოშირაკი“ ლაფშა ქათამი

რაღაც ვერ გავიგე, თუ თარგმნით, მაშინ რატომ სანახევროდ და თუ არა, მაშინ ეს რას ნიშნავს?!

1. Вареники с сыром (რუს.), რომელიც თქვენ თარგმნეთ, როგორც ,,ვარენიკი ყველით“ ქართულად ითარგმნება, როგორც ,,გირცი ყველით“,

2. Лапша с курицей (რუს )კი, რომელიც თარგმნეთ, როგორც ,,ლაფშა ქათამი“ ქართულად ითარგმნება, როგორც ,,ატრია ქათმით/ქათამი“.

გთხოვთ მიაქციოთ შესაბამისი ყურადღება და ხელი შეუწყოთ ქართული ენის პოპულარიზაციას და არა, როგორც მწირი ენების ლექსიკური მარაგის შემთხვევაში ხდება, მის ბარბარიზმით გაჯერებას” - აცხადებს ,,ახალი საქართველოს“ თანადამფუძნებელი შორენა ლობჟანიძე.