მიხეილ მესხის სახელობის სტადიონზე საქართველოსა და იაპონიის მორაგბეთა ეროვნული ნაკრებების შეხვედრა ანგარიშით 22:28 დასრულდა.

მიუხედავად ღირსეული წინააღმდეგობისა, ბორჯღალოსნება მატჩი დათმეს.

პირველი ტაიმი ქართველი სპორტსმენების გამარჯვებით ანგარიშით 12:8 დასრულდა.

განსაკუთრებით დაძაბული აღმოჩნდა მეორე ნახევარი. მატჩის მიწურულს ქართველებს ლელოს დადებისა და ანგარიშის შეცვლის რეალური შანსი ჰქონდათ, თუმცა ვერ გამოიყენეს.

თამაში ისტორიულ მნიშვნელობის იყო. გამარჯვების შემთხვევაში, ბორჯღალოსნები მსოფლიო რეიტინგში ფიჯის ნაკრებს გადაუსწრებდნენ და პირველად ქართული რაგბის ისტორიაში, მოწინავე ათეულში შევიდოდნენ.

იაპონიასთან შეხვედრამდე, ჩვენს გუნდს 9-მატჩიანი დაუმარცხებელი სერია ჰქონდა.