დღეს ქართველი ბორჯღალოსნები იაპონიას დაუპირისპირდებიან

სპორტი - 14:18, 12 Nov, 2016

6795

ნოემბრის პირველ ტესტ-მატჩამდე რამდენიმე წუთი რჩება.
დღეს, 15:00 საათზე , მიხეილ მესხის სახელობის სტადიონზე ქართველი ბორჯღალოსნები იაპონელებს დაუპირისპირდებიან. აღსანიშნავია, რომ მატჩზე დასასწრები ყველა ბილეთი გაყიდულია.
დღეს, 100-იანთა კლუბს კიდევ ერთი ნაბიჯით მიუახლოვდებიან 743 ქულით ბორჯღალოსანთა საუკეთესო მექულე კვირიკაშვილი და შუამარბი კაჭარავა, რომელთა ანგარიშზე დღესდღეისობით 95-95 კეპია. ნაკრებს მამუკა გორგოძე უკაპიტნებს, რომელსაც აქამდე ეს პატივი 8-ჯერ ერგო. 2013 წელს, ჩვენმა გუნდმა იმ დროისთვის მოწინავე 10-ეულში მყოფი სამოა სწორედ მამუკას კაპიტნობით დაამარცხა. ის გუნდს ისტორიულ მსოფლიო თასზეც კაპიტნობდა, სადაც პირველად ქართული რაგბის ისტორიაში, ორი გამარჯვება ვიზეიმეთ და 2019 წლის მსოფლიო თასის საგზური მოვიპოვეთ.

რაც შეეხება მომავალი თამაშის ისტორიულ მნიშვნელობას. გამარჯვების შემთხვევაში, ბორჯღალოსნები მსოფლიო რეიტინგში ფიჯის ნაკრებს ჩააჩოჩებენ და პირველად ქართული რაგბის ისტორიაში, მოწინავე ათეულში შევლენ, რაც უდიდესი მიღწევა იქნება. ჩვენს გუნდს 9-მატჩიანი დაუმარცხებელი სერია აქვს და სიმბოლური იქნება, თუ მეათე წარმატებით მსოფლიოს მოწინავე ათეულში შევა.

დღევანდელი მატჩისთვის მილტონ ჰეიგის მიერ შერჩეული 23 კაციანთა შემადგენლობა ასე გამოიყურება.