SKYE კლუბი ახალგაზრდებისთვის - საქართველოს პატრიარქის ფონდის მხარდაჭერით პროექტის განხორციელება დაიწყო

საზოგადოება - 14:17, 11 Nov, 2016

2392

2016 წლის 1 სექტემბრიდან სრულიად საქართველოს კათოლიკოს-პატრიარქის ფონდის ,,ახალგაზრდების ინტელექტუალურ-შემეცნებითმა სტუდიამ“ დაიწყო ახალი პროექტის - “ახალგაზრდების ეკონომიკური გაძლიერებისთვის საჭირო უნარებისა და ცოდნის (SKYE) კლუბი ” - განხორციელება.

როგორც საქართველოს კათოლიკოს-პატრიარქის ფონდში განმარტავენ, ახალგაზრდების ეკონომიკური გაძლიერებისთვის საჭირო უნარებისა და ცოდნის (SKYE) კლუბი ეხმარება ახალგაზრდებს განივითარონ უნარები, ქცევები და დამოკიდებულებები ლიდერობის, სოციალური ჩართულობის, მეწარმეობისა და დასაქმების კუთხით, ასევე პროექტის მენეჯმენტის, კომუნიკაციის, ტექნიკური კომპეტენციის, ინოვაციისა და შემოქმედებითობის განვითარების კუთხით, რაც აუცილებელია საზოგადოების განვითარებისათვის.

SKYE მოდულის მიზანია 18-25 წლის ახალგაზრდების დასაქმების უნარიანობის ზრდის ხელშეწყობა. მოდული 1.5 წლიანი, მოიცავს 4 თემას (მეწარმეობა, დასაქმება, აქტიური მოქალქეობა, ლიდერობა).

SKYE კლუბი ძირითადად შედგება 15-20 (18-26 წლის ასაკის) ახალგაზრდისგან, რომლებიც იკრიბებიან კვირაში ერთხელ 2-3 საათით.

პროექტი ხორციელდება სრულიად საქართველოს კათოლიკოს-პატრიარქის საერთაშორისო საქველმოქმედო ფონდისა და საერთაშორისო ორგანიზაცია “World Vision”-ის მხარდაჭერით.

განაცხადის მიღება იწარმოებს 2016 წლის 12 ნოემბრიდან 28 ნოემბრის ჩათვლით 11 სთ-დან 18 სთ-მდე (კვირა დღის გარდა).

მსურველებს შეუძლიათ მიმართონ შემდეგ მისამართზე: თბილისი, რუსთაველის გამზირი №21 ან ელ. ფოსტის მეშვეობით: info@patriarch.ge (პატრიარქის საერთაშორისო ფონდის ოფისი).