2016 წლის 8 ნოემბერს ამერიკის შეერთბულ შტატებში ჩატარდა საპრეზიდენტო არჩევნები. საქართველოსგან განსხვავებით, ამერიკის შეერთებულ შტატებში მოსახლეობა პრეზიდენტს პირდაპირი წესით არ ირჩევს, ისინი ხმას აძლევენ მათთვის სასურველ კანდიდატს, თუმცა, რეალურად ისინი ირჩევენ ამომრჩეველთა კოლეგიას.

ამომრჩეველთა კოლეგიის წევრთა უმრავლესობით საპრეზიდენტო არჩევნებში გაიმარჯვა დონალდ ტრამპმა, რომელსაც მოცემული მომენტისთვის 279 ხმა აქვს მოპოვებული(გასამარჯვებლად საჭიროა 270 ხმა), მაშინ როცა ჰილარი კლინტონმა მხოლოდ 228 ხმა მოიპოვა.

რაც შეეხება ამომრჩეველთა ხმებს, აქ კლინტონს აქვს უპირატესობა. მას ამ მომენტისთვის 59 814 018 ხმა აქვს მოპოვებული, ხოლო დონალდ ტრამპს 59 611 678. ასეთი პრეცენდენტი ბოლოს 2000 წელს დაფიქსირდა.

რა თქმა უნდა, არჩევნებმა დიდი ზეგავლენა მოახდინა ფორექსის ბაზარზე, წინასწარი შედეგების გამოქვეყნებას 280 პუნქტიანი რყევა მოჰყვა. როგორც ნავარაუდები იყო ტრამპის გამარჯვებამ დაასუსტა ამერიკული დოლარი (USD) სხვა ვალუტებთან მიმართებაში. EUR/USD სავალუტო წყვილზე დღის სანთელი 1.1012 ნიშნულზე გაიხსნა და მაქსიმალური ნუშნული 1.1298 თბილისის დროით (GMT +4) 9 საათზე დააფიქსირა.

ანალოგიური მოძრაობები დაფიქსირდა სხვა ვალუტებთან მიმართებაშიც. გამონაკლისს წარმოადგენდა კანადური დოლარის (CAD) და მექსიკური პესოს (MXN) სავალუტო წყვილები დოლათან მიმართებაში, სადაც არჩევნების წინასწარი მონაცემების გამოქვეყნებამ აშშ დოლარი გაამყარა, ეს ყველაფერი განპირობებული იყო სავაჭრო ურთიერთობების გაუარესების მოლოდინით.

სტატია მოამზადებულია საბროკერო კომპანია FX Group -ის ანალიტიკოსთა გუნდის მიერ.
WWW.FXGROUP.GE