"ერთ-ერთმა ბრალდებულმა გარდაცვლილის ორგანოები შეჭამა"

"ერთ-ერთმა ბრალდებულმა გარდაცვლილის ორგანოები შეჭამა" - პროკურორის განცხადება

კრიმინალი - 12:58, 06 Nov, 2016

31295

საქალაქო სასამართლოში თბისლისში მომხდარი დედის საზარელ მკვლელობაში ბრალდებულებისა და ამ საქმეზე დაკავებული პირების აღკვეთის ღონისძიების შეფარდების საკითხის შესახებ სასამართლო პროცესი იწყება.

ხუთივე ბრალდებულის შემთხვევაში პროკურატურა პატიმრობას ითხოვს. ბრალდების მხარე აცხადებს, რომ დამნაშავეტა წინაააღმდეგ არსებობს არაერთი მტკიცებულება. ასევე დასტურდება კანიბალიზმის ფაქტებიც.

"ერთ-ერთმა ბრალდებულმა, რომლის ვინაობასაც გამოძიების ინტერესებიდან გამომდინარე არ ვასახელებ, გარდაცვლილის გარკვეული ორგანოები შეჭამა,"-აცხადებს პროკურატურის წარმომადგენელი.

5 დაკავებულიდან ერთ-ერთი არასრულწლოვანია, რის გამოც პროცესი დახურული იქნება. სამ ახალგაზრდას - მათ შორის მოკლულის შვილს - დამამძიმებელ გარემოებაში ჯგუფურად ჩადენილ განზრახ მკვლელობაში, ორს კი დანაშაულის დაფარვის მცდელობაში ადანაშაულებენ.

შეგახსენებთ, რომ შსს-ს თბილისის პოლიციის დეპარტამენტისა და საქართველოს პროკურატურის თანამშრომლებმა, ერთობლივად ჩატარებული ოპერატიულ–სამძებრო და საგამოძიებო ღონისძიებების შედეგად, 1997 წელს დაბადებული ირმა ყ., 1993 წელს დაბადებული ბექა შ. და 1999 წელს დაბადებული ნინა ჩ. დამამძიმებელ გარემოებაში ჯგუფურად ჩადენილი განზრახ მკვლელობისთვის, ხოლო 1994 წელს დაბადებული ავთანდილ ა. და 1993 წელს დაბადებული დათა კ. - ამავე მკვლელობის შეუტყობინებლობისა და დანაშაულის დაფარვის ბრალდებით დააკავეს.

გამოძიება დამამძიმებელ გარემოებაში ჯგუფურად ჩადენილი განზრახ მკვლელობის, განზრახ მკვლელობის, დანაშაულის დაფარვისა და დანაშაულის შეუტყობინებლობის ფაქტზე, საქართველოს სისხლის სამართლის კოდექსის 108-ე, 109-ე მუხლის მე-2 ნაწილით, 375-ე და 376-ე მუხლებით მიმდინარეობს", - ნათქვამია შსს-ს განცხადებაში.