დღეს პარტიზანი მებაღეობის მხარდამჭერი საქველმოქმედო საღამო გაიმართება

საზოგადოება - 13:59, 06 Nov, 2016

2793

დღეს „ქალთა ფონდი საქართველოში“ ორგანიზებით პარტიზანი მებაღეობის მხარდამჭერი საქველმოქმედო საღამო გაიმართება. ორგანიზაცია აღნიშნული მხარდაჭერით, ამით ხაზს უსვამს ფემინისტურ და მწვანე მოძრაობებს შორის თანამშრომლობის და სოლიდარობის აუცილებლობას.

ღონისძიების მიზანია შემოწირულობების, ასევე წიგნების, მაისურების და სხვა ნივთების გაყიდვით შემოსული თანხის შეგროვება, რომელიც პარტიზან მებაღეებს ახალი ნერგების შესაძენად გადაეცემათ.

ნატა ფერაძე, ნათია კვანტალიანი და მარიამ ბაქრაძე წაიკითხავენ მოხსენებებს სამოქალაქო აქტივიზმზე, ვეგანობასა და მცენარეებზე. სტუმრებს შესაძლებლობა ექნებათ მოუსმინონ ცოცხალ მუსიკას რეზო კიკნაძის და სხვების შესრულებით და გასინჯონ ვეგანური საკვები.

ქალთა ფონდი საქართველოში ახლახან გახდა გარემოს დაცვითი სამართლიანობის და გენდერის შესახებ შექმნილი საერთაშორისო პროგრამის - Global Alliance for Gender and Green Action (GAGGA) წევრი, რომლის ფარგლებში ქალთა ფონდი აპირებს თავის საქმიანობაში გაატაროს მწვანე პოლიტიკის პრინციპები და ხელი შეუწყოს მოძრაობათა შორის თნამშრომლობასა და სოლიდარობას. უახლოეს მომავალში ასევე აპირებს ქალთა უფლებებისა და გარემოს დაცვის მიმართულებით მცირე გრანტების გაცემას.

ღონისძიება დღეს 19:00 საათზე გაიმართება, მისამართზე: კაფე ,,კივი“ ი, მაჩაბლის 6.