"კონფლიქტი იმ ქალთან ჰქონდა სადაც მუშაობდა, ძალიან აგრესიული იყოო"

"კონფლიქტი იმ ქალთან ჰქონდა სადაც მუშაობდა, ძალიან აგრესიული იყოო" - თურქეთში გარდაცვლილი ქალის შვილი

საზოგადოება - 10:50, 04 Nov, 2016

8697

სტამბოლში გარდაცვლილი საქართველოს მოქალაქის ოჯახის წევრები საგარეო საქმეთა სამინისტროს ცხედრის გადმოსვენებაში დახმარებას სთხოვენ.
უწყების წარმომადგენელთან შეხევდრას ისინი დღეს გამართავენ.
51 წლის საქართველოს მოქალაქე, მზია დუნდუა თურქეთში გარდაცვლილი იმ სახლში იპოვეს, სადაც მუშაობდა.
საქართველოს გენერალურ საკონსულოს ინფორმაცია თურქმა სამართალდამცველებმა ორი დღის წინ მიაწოდეს.
ცხედარს უკვე უტარდება ექსპერტიზა, რის შემდეგაც უნდა დადგინდეს რა გახდა გარდაცვალების მიზეზი.
მზია დუნდუას ოჯახის წევრების თქმით მომხდარის შესახებ საინფორმაციო საშუალებებიდან შეიტყვეს და მათთვის უცნობია გარდაცვალების მიზეზი, თუმცა თვითმკვლელობას გამორიცხავენ.
მზია დუნდუას შვილის ირაკლი ფოფხაძის თქმით, დედამისს ერთადერთი კონფლიქტი იმ ქალთან ქონდა, ვისთანაც მუშაობდა, თუმცა როგორც დედამისისგან იცის, ეს კონფლიქტი მოგვარებული იყო:
„ერთადერთი კონფლიქტი სადაც მუშაობდა იმ ქალთან ჰქონდა. ძალიან აგრესიული იყოო, მაგრამ რამდენიმე დღის მერე დავილაპარაკეთ და გავარკვიეთო, ბოდიშიც მომიხადაო... თავის მოსაკლავი დედაჩემს არ ქონდა, გამოვრიცხავ. ბევრი კითხვა მაქვს საგარეო საქმეთა სამინისტროსთან, რატომ არ გაგვაგებინეს ამდენი ხანია გასული.“- განაცხადა ირაკლი ფოფხაძემ.