სტამბოლში 51 წლის ქართველი, 2 შვილის დედა დანით დაჩეხეს

კრიმინალი - 14:20, 03 Nov, 2016

74377

სტამბოლში საქართველოს მოქალაქე გარდაცვლილი იპოვეს. ქართველი ემიგრანტების ინფორმაციით, გარდაცვლილი რუსთავის მკვიდრი, ორი შვილის დედა, 51 წლის მზია დუნდუაა.

შოთა სიხარულიძის ინფორმაციით, ქალბატონს ოჯახის უფროსმა ქალბატონმა დანით 40 ჭრილობა მიაყენა.

მოკლული ქართველი ემიგრანტი თურქეთში, უკეთლიშობილესი ქალბატონი მზია, რომელსაც 40 ჭრილობა მიაყენა ოჯახის უფროსმა ქალბატონმა დანით დაჩეხა.... „შოთო სიხარულიძე ქართველი ემიგრანტები" ღრმა მწუხარებას გამოთქვამს თანაუგრძნობს და სამძიმარს უცხადებს გარდაცვლილის ოჯახსა და ახლობლებს, ღმერთმა ნათელში ამყოფოს მისი ლამაზი სული, უფალო აკმარე საქართველოს ამდენი ემიგრანტის უბედურება... მარადიული ხსოვნა ყველა გარდაცვლილს ქართველ ემიგრანტს... საქართველოს ენით აუღწერელი ტკივილი ემიგრანტებია... "ახლაც ის დროა,როცა ქართველი,გულით ნატრობდა სად მომკვდარიყო ქართული მიწის ეგრძნო სურნელი... ბალახი მაინც რომ გამხდარიყო”- წერს სიხარულიძე.

ქართველი ემიგრანტის გარდაცვალების ფაქტი „ნიუპოსტს“ საქართველოს საგარეო საქმეთა სამინისტროში დაუდასტურეს.

უწყების პრესსამსახურის ცნობით, ცხედარი ექსპერტიზაზეა გადასვენებული, მომხდარზე კი გამოძიება მიმდინარეობს.

„სამწუხაროდ მოქალაქის გარდაცვალებისფაქტი დასტურდება. საქმის კურსშია საქართველოს საკონსულო, მომხდარზე გამოძიება მიმდინარეობს. ცხედარი ექსპერტიზაზეა გადასვეენებული“- აღნიშნა „ნიუპოსტთან“ საგარეო საქმეთა სამინისტროს პრესსამსახურის წარმომადგენელმა.

მისი თქმით, გარდაცვალების ზუსტ მიზეზს გამოძიება დაადგენს.