გიწვევთ ფოტოკონკურსში მონაწილეობის მისაღებად

საზოგადოება - 17:29, 02 Nov, 2016

1368

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი აგრძელებს ტოლერანტობის საერთაშორისო დღისადმი მიძღვნილ ფოტოკონკურსს "ჩვენი მრავალფეროვანი სამშობლო".

გამოვლინდება 13 გამარჯვებული. თითოეული მათგანი დაჯილდოვდება ტექნიკის მაღაზიის 500 ლარიანი ვაუჩერით. მოეწყობა გამარჯვებული ფოტოების გამოფენა. ამავე ფოტოების გამოყენებით დაიბეჭდება 2017 წლის სამაგიდო კალენდრები.

ფოტო უნდა ასახავდეს საქართველოში სხვადასხვა ეთნიკური, რელიგიური ჯგუფის ცხოვრებას, ყოველდღიურობას, ტრადიციებს, თანაცხოვრებას. ფოტოს მოცულობა არ უნდა აღემატებოდეს 10 მეგაბაიტს. თითოეული კონკურსანტისგან შესაძლებელია 3 ფოტოს მიღება.

ფოტოკონკურსში მონაწილეობის მსურველებმა ნამუშევრები უნდა გამოგზავნონ მისამართზე: press@smr.gov.ge
ფოტოები მიიღება 9 ნოემბრის ჩათვლით.

კონკურსის მონაწილე ფოტოები განთავსდება შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის ოფიციალურ Facebook გვერდზე - https://www.facebook.com/SMRCEgeorgia/?fref=ts

ერთი გამარჯვებული აღნიშნულ გვერდზე „მოწონებების“ მიხედვით გამოვლინდება, 12-ს კი ჟიური გამოავლენს.

ღონისძიებას მხარს უჭერს აშშ–ს საერთაშორისო განვითარების სააგენტოს (USAID) მიერ დაფინანსებული საქართველოს გაეროს ასოციაციის (UNAG) „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა (PITA).

ტოლერანტობის საერთაშორისო დღე 16 ნოემბერს აღინიშნება.