ქეთევენ სვანიძეს ჩვენი დახმარება სჭირდება - ორი შვილის უმძიმესი მდგომარეობა და მარტოხელა დედის ტრაგედია

საზოგადოება - 17:40, 14 Nov, 2016

43582

მარტოხელა დედას ქეთევან სვანიძეს, რომელიც თბილისში, ნაქირავებ ბინაში ორ შვილთან ერთად ცხოვრობს ჩვენი დახმარება სჭირდება. სვანიძის უმცროს ვაჟს, 16 წლის კობას ცერებრალური დამბლის მძიმე ფორმა (სპასტიკური კვადრიპლეგია) აქვს, რაც ოთხივე კიდურის ათროპიას გულისხმობს. მოზარდი ვერ დადის, ვერ ჯდება და ვერც მეტყველებს. კობას ჩაუტარდა ორი ორთოპედული ოპერაცია. აქვს ეპილეფსია და ორმხრივი მხედველობის ნაწილობრივი ატროფია. საგანგაშოა მისი წონაც, 16 წლის ბიჭის სხეულის მასა სულ რაღაც 14 კგ-ს შეადგენს. მოზარდს აქტიური სარეაბილიტაციო სამედიცინო დახმარება ესაჭიროება.

ქეთევან სვანიძის ურთულეს ვითარებას, მისი მეორე შვილის გურამის მდგომარეობაც ამძიმებს. 28 წლის გურამს 4 თვის წინ, ამ დრომდე დაუდგენელი მიზეზის გამო, პერიტონიტი განუვითარდა, ექიმებმა მისი სიცოცხლის გადარჩენა შეძლეს, თუმცა სწორი ნაწლავის მუცლის ღრუდან, გარეთ გამოტანა მოუწიათ. ახალგაზრდა მამაკაცს ამ ეტაპზე დამატებით, სასიცოცხლოდ მნიშვნელოვანი, კიდევ 2-ი ოპერაცია ესაჭიროება.

გურამის ოპერაცია დანიშნულია პარასკევს, თუმცა სადაზღვევო კომპანია სამედიცინო ხარჯების ღირებულების მხოლოდ 80%-ს დაუფინანსებს, დანარჩენი 20%-ის (920 ლარის) გადახდის საშუალება და რესურსი კი ოჯახს არ გააჩნია. ამას ემატება ოპერაციის შემდგომი სარეაბილიტაციო და მედიკამენტებისათვის საჭირო თანხების არ არსებობის პრობლემაც.

ქალბატონ ქეთევანს, იმის გამო, რომ შვილის ოპერაციის დროს სახლში არ იმყოფებოდა და სოც.მუშაკებმა მისი საცხოვრებელი პირობების ასახვა ვერ შეძლეს სოციალური დახმარებაც არ აქვს დანიშნული.

"ნიუპოსტი" ქეთევან სვანიძის თხოვნით მოგმართავთ, თუ გაქვთ საშუალება ამ უკიდურეს გაჭირვებაში მყოფი ოჯახის გადასარჩენად, დარეკეთ საქველმოქმედო ნომერზე: 0901701099 (მაგთი, ბილაინი, ჯეოსელიდან) ზარის ღირებულებაა 1 ლარი, ან ჩარიცხეთ თნხა საქართველოს ბანკის ანგარიშის ნომერზე: GE84BG0000000637693400 მიმღები: გურამ ლომსაძე პირადი # 01019034192