„ყაზტრანსგაზ-თბილისი” სამგორის რაიონში მომხდარ აფეთქებასთან დაკავშირებით განცხადებას ავრცელებს

საზოგადოება - 16:41, 31 Oct, 2016

4544

შპს „ყაზტრანსგაზ-თბილისი” სამგორის რაიონში მომხდარ აფეთქებასთან დაკავშირებით განცხადებას ავრცელებს:
"2016 წლის 31 ოქტომბერს, ქ. თბილისში, სამგორის რაიონში, ჯავახეთის ქუჩა №7-ში მომხდარ აფეთქებასთან დაკავშირებით შპს „ყაზტრანსგაზ-თბილისი“ განმარტავს, რომ კომპანიის საავარიო სამსახურის ნომერზე (114), 12:46 საათზე საგანგებო სიტუაციების მართვის სააგენტოდან (112) დაფიქსირდა ზარი. საავარიო ბრიგადამ ოპერატიულად მოახდინა შემოსულ ზარზე რეაგირება და გავიდა გამოძახებაზე. გამოძახების ადგილზე დაფიქსირდა აფეთქება ავტოფარეხში.
სამართალდამცავი უწყებების მიერ მიმდინარეობს გამოძიება აფეთქების მიზეზების დადგენის მიზნით"- წერია განცხადებაში.
თბილისში ავტოფარეხში აფეთქება მოხდა. არსებული ინფორმაციით, წინასწარი ინფორმაციით, აფეთქება ვარკეთილში გაზის გაჟონვამ გამოიწვია.
აფეთქების შედეგად 2 ადამიანია დაშავებული.

მათივე ინფორმაციით, ორივე მათგანს აღენიშნება დამწვრობები.
სასწრაფო-სამედიცინო დახმარების პრესსამსახურის ინფორმაციით, დაშავებულთაგან მათგან ერთ-ერთს თავის ტრავმა აქვს მიღებული.
ის სასწრაფო-სამედიცინო დახმარების ბრიგადას ინგოროყვას კილინკაში გადაჰყავს.

ავტოფარეხს საცხოვრებელი დანიშნულებით იყენებდნენ. ადგილზე სამაშველო სამსახურის 4 ეკიპაჟი და საპარულო პოლიცია მუშაობს.