ჯერ იყო და ნიუტონის სკოლა მოიხატა ფრთებით და სოციალური ქსელი ფერადფრთიანი ბავშვების ფერადი გიფებით აჭრელდა.

ქალაქში ფრთიანი ბავშვების ძიება დაიწყესო თქვეს და მართალიც აღმოჩნდა.

სასკოლო ოლიმპიადა ინგლისურ ენაში - WINGS ფერადი და საინტერესო კამპანიით გამოჩნდა სოციალურ ქსელში და საზრიან, ყოჩაღ და სხარტ მოსწავლეებს ეძებს. ორგანიზატორებს სჯერათ, რომ ფრთები თავისუფლებაა, თავისუფლება განათლება და განათლება კი წარმატების გარანტი, სწორედ ამიტომ შეირჩა ვინგსის ოლიმპიადისთვის მთავარ გზავნილად ფრაზა: ფრთები შენი წარმატებისთვის.

ინგლისურ ენის ოლიმპიადაში მონაწილეობის მიღება მთელი საქართველოს მასშტაბით მესამედან მეთერთმეტე კლასის ჩათვლით ყველა მოსწავლეს შეუძლია. ტესტებთან ერთად ვინგსელებს საშუალება ექნებათ ფრთიან შეკითხვებს უპასუხოს, რომელსაც ცნობილი და წარმატებული ადამიანები დასვამენ. ფრთიანი შეკითხვის ავტორებს შორის არიან: დავით გორგილაძე, ზვიად ციკოლია, გვანცა კერესელიძე, თათია დოლიძე.

ვინგსის ოლიმპიადაში გამარჯვებული მოსწავლეები პირველივე ტურიდან გამოვლინდებიან.

რეგისტრაციისთვის ეწვიეთ: eduhouse.ge