ქეთევან ციხელაშვილმა ლიდიცეს ბავშვთა საერთაშორისო გამოფენის გამარჯვებულების დაჯილდოებაში მიიღო მონაწილეობა

საზოგადოება - 21:40, 27 Oct, 2016

1400

შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ქეთევან ციხელაშვილმა ლიდიცეს ბავშვთა სახვითი ხელოვნების ნიმუშების საერთაშორისო გამოფენის გამარჯვებულების დაჯილდოების ცერემონიაში მიიღო მონაწილეობა. ცერემონია საქართველოში ჩეხეთის რესპუბლიკის საელჩოს ორგანიზებით გაიმართა.

წლევანდელ კონკურსში საქართველოდან სამმა მონაწილემ გაიმარჯვა. ქეთევან ციხელაშვილმა მათ გამარჯვება მიულოცა.

„გილოცავთ ამ გამარჯვებას და კვლავაც წარმატებებს გისურვებთ. სიმბოლურია, რომ ერთ-ერთი გამარჯვებული მართა წულაია აფხაზეთიდან დევნილია. ეს არის მშვიდობის გზავნილი. სწორედ ხელოვნების, სიყვარულის გზით უნდა ვიაროთ მშვიდობიანი მომავლისკენ. აღარასოდეს აღარ უნდა განმეორდეს ომი, ტრაგედიები, რომლებსაც ბავშვები ეწირებიან“, - განაცხადა ქეთევან ციხელაშვილმა.

ლიდიცეს გამოფენა 1967 წელს დაარსდა ჩეხეთის სოოფელ ლიდიცეში ნაცისტების მიერ მოკლული ბავშვების, ასევე ომების მსწვერპლი ყველა ბავშვის ხსოვნის უკვდავსაყოფად. ფესტივალი საერაშორისო 1973 წელს გახდა და მასში მონაწილეობენ ბავშვები და მასწავლებლები მთელი მსოფლიოდან.