დღეს თბილისში, შესაძლოა, გაზის ოდორანტის სუნი დაფიქსირდეს

საზოგადოება - 09:53, 25 Oct, 2016

3740

„საქართველოს გაზის ტრანსპორტირების კომპანიის“ ინფორმაციით, 25 ოქტომბერს შესაბამის გაზგამანაწილებელ სადგურებში ოდორანტის ტრანსპორტირება მოხდება, რის გამოც შესაძლოა ოდორანტის ტრანსპორტირების პროცესში დაფიქსირდეს აღნიშნული ნივთიერების სუნი, თუმცა როგორც კომპანიაში აცხადებენ ეს ადამიანის ჯანმრთელობისთვის საფრთხეს არ წარმოადგენს:
"შპს „საქართველოს გაზის ტრანსპორტირების კომპანია“ გაცნობებთ, რომ ბუნებრივი გაზის ოდორიზების უწყვეტი პროცესიდან გამომდინარე საჭიროა ოდორანტის ტრანსპორტირება შესაბამის გაზგამანაწილებელ სადგურებში. მიმდინარე წლის 25 ოქტომბერს ოდორანტის ტრანსპორტირება განხორციელდება თბილისში ნავთლუღის გაზგამანაწილებელი სადგურის მიმართულებით.ოდორანტის ტრანსპორტირება ასევე მოხდება შპს „ბორჩალოს“ (მარნეულის რაიონი), ქარელის მუნიციპალიტეტის სოფელ სასირეთის, შპს „ჩირინა 3“-ისა და ვაზიანის (გარდაბნის რაიონი) გაზგამანაწილებელი სადგურების მიმართულებით. აქედან გამომდინარე, შესაძლოა ოდორანტის ტრანსპორტირების პროცესში დაფიქსირდეს აღნიშნული ნივთიერების სუნი, თუმცა ეს ადამიანის ჯანმრთელობისთვის საფრთხეს არ წარმოადგენს. შპს „საქართველოს გაზის ტრანსპორტირების კომპანია“ შესაძლო დისკომფორტის გამო, მოსახლეობას ბოდიშს უხდის."- აღნიშნულია კომპანიის განცხადებაში.