მაკა ჩიჩუა: „ძალიან ვღელავდი მართალი რომ გითხრათ, უჩვეულო ამპლუაა რა თქმა უნდა, მაგრამ იქედან გამომდინარე, რომ საკმაოდ ბუნებრივად შევდივარ ყველასთან კონტაქტში, არ მაქვს ბარიერი, მალევე ძალიან ორგანული გახდა ჩემთვის, პირველივე ნომრიდან. დარბაზში სანამ შევიდოდი მართლა ძალიან ვინერვიულე, იმიტომ, რომ მესმოდა ოვაციები, ტაში, მერე ცოტათი შევიჭყიტე და დავინახე დიდი პუბლიკით მოცული დარბაზი. ამიტომ გარკვეული ღელვა მქონდა, მაგრამ ეს ღელვა ძალიან სწრაფად მომეხსნა“.

პირველ ლედისთან ერთად ჟიურიში კურიერის წამყვანს ზალიკო უდუმაშვილსაც ვიხილავთ. „როდესაც ეკრანიდან ვუყურებდი, ვფიქრობდი რომ ძალიან სახალისო იყო ჟიურიში ყოფნა. მივხვდი რომ ეს ძალიან საპასუხისმგებლოა“- განაცხადა ტელეწამყვანმა.

ერთ-ერთი რეიტინგული გადაცემის მეშვიდე სეზონი ასე განახლებული შემადგენლობით ხვდება მაყურებელს. რუსთავი 2-ის საერთაშორისო პროექტების პროდიუსერი გიორგი ხაბურზანიას, თქმით კი ეს სეზონი ბევრად განსხვავებული იქნება სხვა სეზონებისგან.

გიორგი ხაბურზანია: „უკვე მეშვიდე სეზონს ვაკეთებთ და გვინდოდა განსაკუთრებული ყოფილიყო. ბევრი სიახლე შეგვეტანა. ამიტომაც ბევრი მოულოდნელობა, ბევრად უფრო მეტი სანახაობა და მრავალფეროვნება ელოდება მაყურებელს. არავის ექნება განცდა რომ ეს უკვე ნანახი აქვს“.