ვინც საკრედიტო ისტორიით, უზრუნველყოფით და შემოსავლების პირობით დააკმაყოფილებს ბანკის მოთხოვნებს, ბანკი საშუალებას აძლევს, მიიღონ ბიზნესსესხი უპრეცედენტოდ დაბალ პროცენტად ლარში, ყოველგვარი დამატებითი ხარჯის და სავალუტო რისკის გარეშე, გრძელი ვადით.

ბანკის ინფორმაციით, რეფინანსირების განაკვეთი კლების ტენდენციით ხასიათდება და ეროვნული ბანკის მხრიდან პროცენტის შემცირების შემთხვევაში, მომხმარებლის ბიზნესსესხის პროცენტიც ავტომატურად შემცირდება.

დაბალპროცენტიანი ბიზნესსესხით სარგებლობა შეუძლიათ ფიზიკურ და იურიდიულ პირებს, ვისაც სურს დაფაროს სხვა ფინანსური ვალდებულებები, ბიზნესის მიმდინარე და გრძელვადიანი აქტივები, შეიძინოს უძრავი ქონება, განახორციელოს რემონტი, ან ნებისმიერი ზემოაღნიშნული მიზნობრიობის კომბინაცია.

ბიზნესსესხის თანხა იურიდიულ პირებზე - 30 000 ლარიდან 1 000 000 ლარამდე, ხოლო ფიზიკურ პირებზე 30 000 ლარიდან 300 000 ლარამდე განისაზღვრება.