კვირას, 2 ოქტომბერს, საქართველოს მწერალთა სახლში, ლევან ბერძენიშვილი 10 საათიან, უწყვეტ ლექცია-მარათონს წაიკითხავს. ლექცია 11 საათზე დაიწყება და 21 საათამდე გაგრძელდება.

ადამიანი მსოფლიო ლიტერატურაში: ენქიდუს განკაცებიდან ალუდას ზეკაცობამდე. ფილოგენეზი მსოფლიო ლიტერატურის შედევრებში: გილგამეშიანი, დაო დე ძინი, ილიადა, ოდისეა, ძვ. ბერძნული ტრაგედია, ვერგილიუსი, ნიზამი, რუსთაველი, დანტე, სერვანტესი, შექსპირი, გოეთე - ერთ ათსაათიან ლექციაში.

„ენქიდუდან - ალუდამდე“ - ადამიანის ჩამოყალიბება, ანუ ფილოგენეზი მსოფლიო ლიტერატურაში. ამას მინიმუმ ათი ლექცია სჭირდება, რომლებსაც მე ვაერთიანებ და ერთ, 10 საათიან ლექციაში ვტევ. ლექცია განსაკუთრებული იქნება იმით, რომ მსმენელს ნებისმიერ დროს შეეძლება ჩართვა და მთავარ აზრს იგი მაინც გამოიტანს. ლექტორის ინტერესიც მაქვს - საკუთარი თავიც მინდა გამოვცადო და ჩემი მსმენელიც. არ ვიცი რა მოხდება მეოთხე, მხუთე საათზე, იქნებ რაიმე ახალი იდეა მომივიდეს დამძიმებულ თავში“, - ამბობს ლევან ბერძენიშვილი.