„რაღაც იყო ერთი ორი მომენტი, მაგრამ მერე მივხვდი რომ არ ღირს ამაში ღრმად შესვლა და დეტალებში გარკვევა.ვთქვი რომ ამით უფრო გაღიზიანდება“ – ამბობს საქართველოს ყოფილი ლედი ნანუკა ჟორჟოლიანთან საუბრისას და ჭორებთან დაკავშირებით შემდეგ კომენტარს აკეთებს.

სანდრა რულოვსი: „იცით რა იყო ჩემი კრიტერიუმი? რამე რომ მოხდეს, რაღაც უბედურება ვინ წაიყვანს მიშას უსაფრთხო ადგილზე, იის, თუ მე და ჩემი ბავშვები?

ვიცი, რომ ბევრ ქალს არ შეუძლია ასე და სხვანაირად უყურებს, მაგრამ ...

თან მიშას იმდენი მტერი ჰყავდა, რუსეთის სახით მისი პოლიტიკის გამო რუსეთთან მიმართებაში ყველა ემუქრებოდა, ძალიან უხეშადაც... პუტინიდან დაწყებული. ერთი ტყვია უნდოდა ამ ყველაფერს... ასეთი უბედურება შეიძლება მომხდარიყო, ყოველთვის ამაზე ვფიქრობდი, რომ მართლა ძალიან დაძაბული ცხოვრებით ცხოვრობს და ძალიან დიდ რისკებზე მიდის ჩემი ქმარი და ამიტომ არ შეიძლება რომ მე დავიწყო იმაზე ჩხუბი - აბა საღამოს ჩემთან მოდი და თუ არა აბა მითხარი სად იძინებ, სად დადიხარ და რა გავიგე... უბრალოდ ვერ ვაძლევდი ჩემს თავს ამის უფლებას, იმიტომ რომ სიცოცხლის და სიკვდილის ზღვარზე თამაშია პრეზიდენტობა.“