"გარდაცვლილს სხეულზე მრავლობითი დაზიანებები ჰქონდა"

"გარდაცვლილს სხეულზე მრავლობითი დაზიანებები ჰქონდა" - რა მოხდა ბაგრატის ტაძართან?

კრიმინალი - 17:00, 20 Sep, 2016

12870

ბაგრატის ტაძრის მიმდებარე ტერიტორიაზე გარდაცვლილი 44 წლის ანტონ ლანჩავა თერჯოლის მუნიციპალიტეტში დღეს დაკრძალეს.

ბარგატის ტაძრის მიმდებარე ტერიტორიაზე მცხოვრებლების ყვებიან, რომ გარდაცვლილი შუახნის მამაკაცი თერჯოლის მუნიციპალიტეტში ცხოვრობდა და ქუთაისში მუშაობდა, თუმცა არ იციან კონკრეტულად სად იყო დასაქმებული.

"ვიცით მხოლოდ ის, რომ იპოვეს მკვდარი ტაძრის უკან, სხეულზე მრავლობითი დაზიანებები ჰქონდა" - ამბობენ ადგილობრივები.

პოლიციამ 24 წლის მამაკაცი ლანჩავას გარდაცვალებიდან მეორე დღეს დააკავა.

გარდაცვლილის ოჯახის წევრების ინფორმაციით, ანტონ ლანჩავასა და 24 წლის მამაკაცს შორის ჩხუბს, წინ სიტყვიერი შელაპარაკება უძღოდა. უცნობია, იცნობდნენ თუ არა ისინი ერთმანეთს.

საქართველოს შინაგან საქმეთა სამინსიტროს ცნობით, ქუთაისში ბაგრატის ტაძრის მიმდებარედ გარდაცვლილის საქმე გამოძიება 117- ე მუხლით მიმდინარეობს.

გახდა თუ არა ფიზიკური დაზიანებები 44 წლის გარდაცვალების მიზეზი, ეს გამოძიებამ უნდა დაადგინოს.

ბრალდებულს ქუთაისის საქალაქო სასამართლომ აღმკვეთ ღონისძიებად პატიმრობა შეუფარდა.