,,რუსთავი 2" მაყურებელს შემოდგომიდან სრულაიდ განხვავებული ფორმატის გადაცემას ჰპირდება. ახალ სეზონზე კვლავ ეთერშია მეგაშუო ,,ნიჭიერი“, რომელიც მეშვიდე სეზონზე ბევრი სიახლით და ახალი ჟიურით გავა.

,,ნიუპოსტი“ „რუსთავი2“-ის საერთაშორისო პროექტების განყოფილების პიარმენეჯერს სალომე ლილუაშვილს ესაუბრა:

,,ნოემბრიდან რუსთავი 2-ის ეთერში გავა მეგაპროექტ ,,ნიჭიერის“ მეშვიდე სეზონი. შოუში მაყურებელს ბევრ სიახლეს ვპირდებით და ახალი შემადგენლობით იქნება ჟიური. ამ ეტაპზე შემიძლია გითხრათ მხოლოდ ის, რომ “ნიჭიერის” ეს სეზონი შოუს თვალსაზრისით იქნება გრანდიოზული. წელს უცხო ქვეყნის ძალიან ბევრმა მოქალაქემ გამოთქვა შოუში მონაწილეობის სურვილი. მაყურებელს ელოდება ბევრი ექსტრემალური ნომერი და სანახაობა, რომლის მსგავსიც აქამდე არსად, მათ შორის გასულ სეზონებზეც არ ყოფილა“ - ამბობს სალომე ლილუაშვილი.

რაც შეეხება სიახლეს, პროექტების მენეჯერი აცხადებს, რომ ეს იქნება სრულიად განსხვავებული ფორმატის გადაცემა, რომელიც დაეთმობა რემონტს და ყველა იმ საკითხს, რაც სახლის ინტერიერის მოწყობას და სამშენებლო პროცესებს უკავშირდება.

,,ეს არ იქნება არცერთი იმ პროექტის მსგავსი, რაც მაყურებელს ქართულ სატელევიზიო სივრცეში აქამდე უნახავს. იქნება 4 წამყვანი - განსხვავებული ასაკისა და ინტერესების. გადაცემას აუცილელად ეყოლება პროფესიონალი არქიტექტორ-დიზაინერების ჯგუფი. პროექტი იქნება სასარგებლო და საინტერესო ყველანაირი ბიუჯეტის მქონე ადამიანისთვის და მათთვის, ვინც აპირებს რემონტს ან ვისაც სახლის დიზაინში რაიმე სიახლის შეტანა სურს“ -აცხადებს სალომე ლილუაშვილი.