,,ქმარი ცოლს ჩადრის ტარებას აიძულებდა" - ხობში მომხდარი ტრაგედიის ვერსიები

საზოგადოება - 21:10, 15 Sep, 2016

20249

არაბი ეროვნების მამაკაცი, რომელმაც ცოლთან კონფლიქტის შემდეგ ბენზინი გადაისხა საავადმყოფოში გარდაიცვალა. ამჟამად ცხედარს სასამართლო-სამედიცინო ექსპერტიზის ბიუროში შესაბამისი ექსპერტიზა უტარდება.

დამწვრობის ცენტრში აცხადებენ, რომ 51 წლის პაციენტი სიცოცხლესთან შეუთავსებელი დაზიანებებით მიიყვანეს.

მეზობლებს ცოლ-ქმარს შორის კონფლიქტის ზუსტი მიზეზის დასახელება უჭირთ. მათი თქმით, გარდაცვლილი მეუღლესთან და სამ შვილთან ერთად ძირითადად ისრაელში ცხოვრობდა და ზაფხულობით საქართველოში ჩამოდიოდა.

ერთი ნაწილის ინფორმაციით, ქმარი ცოლს ჩადრის ტარებას აიძულებდა. მეზობლების მეორე ნაწილის განცხადებით. ცოლ-ქმარს ურთიერთობა მას შემდეგ დაეძაბათ, რაც ქალმა ისრაელში გამგზავრებაზე უარი უთხრა.
მეტიც მათი თქმით, თავდაპირველმა მამაკაცმა ცოლის დაწვა სცადა, თუმცა მას შემდეგ, რაც ქალბატონმა შვილებთან ერთად გაქცევა მოახერხა, გაბრაზებულმა მამაკაცმა თვითმკვლელობა გადაწყვიტა.

"ნიუპოსტის" ინფორმაციით, გარდაცვლილს მდიდარი ოჯახის წევრები ჰყავთ, რომლებიც საქართველოში ჩამოსვლას და მომხდარის ადგილზე გაარკვევას გეგმავენ.

შემთხვევა ხობის მუნიციპალიტეტში 2 დღის წინ მოხდა.

მომხდარ ფაქტთან დაკავშირებით შს სამინისტროში სსკ-ს 115-ე მუხლით საქმე აღიძრა, რაც თვითმკვლელობამდე მიყვანას გულისხმობს.