ათენში გამართულ უეფას რიგგარეშე კონგრესზე ევროპის საფეხბურთო ასოციაციის ახალი პრეზიდენტი აირჩიეს. ეს პოსტი სლოვენიის ფეხბურთის ფედერაციის პრეზიდენტმა ალექსანდრე ჩეფერინმა დაიკავა. მან 42 ხმა მიიღო და სამჯერ მეტით გაუსწრო კონკურენტს - ნიდერლანდების ფეხბურთის ფედერაციის პრეზიდენტს, მაიკლ ვან პრაგს, რომელმაც 13 ხმა დააგროვა.

ჩეფერინი ამ პოსტს 2,5 წლის ვადით დაიკავებს, რადგან მისი წინამორბედი მიშელ პლატინი, ეთიკური ნორმების დარღვევის გამო ფიფას ეთიკის კომისიამ სპორტს 8 წლით ჩამოაშორა და შესაბამისად, უეფას პრეზიდენტის პოსტიც დატოვა.