ოქრუაშვილის ადვოკატი არ გამორიცხავს, რომ სკანდალური დოკუმენტის ნამდვილობის დასადასტურებლად, სხვა მტკიცებულებებიც წარადგინონ

საზოგადოება - 10:25, 12 Sep, 2016

2783

ლევან ალაფიშვილი 2010 წელს რუსთავი 2-თან დაკავშირებით ირაკლი ოქრუაშვილსა და ქიბარ ხალვაშს შორის გაფორმებული ხელშეკრულების ნამდვილობას დასადასტურებლად, სხვა მტკიცებულებების წარდგენას არ გამორიცხავს.

მისი თქმით, ირაკლი ოქრუაშვილმა ქიბარ ხალვაშთან გაფორმებული შეთანხმების ნამდვილობის დასადგენად 2015 წლის დეკემბერში ფრანგ გრაფოლოგს მიმართა და ორი დოკუმენტი წარუდგინა.

ალაფიშვილის განცხადებით, ფრანგმა ექსპერტმა რუსთავი 2-თან დაკავშირებით ქიბარ ხალვაშის მიერ ხელმოწერილი შეთანხმება ნამდვილობა ოფიციალურად დაადასტურა.

ოქრუაშვილის ადვოკატის ინფორმაციით, ოქრუაშვილსა და ქიბარ ხალვაშს შორის რუსთავი 2-ის საქმეზე გაფორმებული შეთანხმება და ქიბარ ხალვაშსა და ეროსი კიწმარიშვილს შორის გაფორმებული ხელშეკრულება ტელე-მაესტროს მმართველი კომპანიის წილების გასხვისების თაობაზე. ორივე დოკუმენტზე ქიბარ ხალვაშის ხელმოწერაა.

"ექსპერტის დასკვნა ერთ-ერთი მტკიცებულებაა იმ გარემოების დასადასტურებლად, რომ 2010 წელს ნამდვილა შედგა შეთანხმება. თუმცა, ეს არ არის ერთადერთი, იქნება სხვა მტკიცებულებები, დოკუმენტები იქნება თუ სხვა სახის, რომელიც თუ კი სადაო გახდა ეს საკითხი - დოკუმენტის ნამდვილობის, ურთიერთობების არსებობა-არარსებობის საკითხი, შესაბამის განმხილველ ორგანოებში წარვადგენთ,“ - აცხადებს ლევან ალაფიშვილი.