დიდუბის რაიონის ნაწილს დღეს 16:00-დან, ხვალ 09:00 საათამდე, წყალმომარაგება შეუწყდება

საზოგადოება - 12:53, 02 Sep, 2016

2255

დიდუბის რაიონში, ქუთაისის ქუჩის წყალმომარაგება მნიშვნელოვნად გაუმჯობესდება. კომპანია ,,ჯორჯიან უოთერ ენდ ფაუერმა“ დიდუბის რაიონში, ქუთაისის ქუჩაზე, სარეაბილიტაციო სამუშაოები დაასრულა - ახლით შეიცვალა წყალსადენის ქსელის მოძველებული 880 მეტრი სიგრძის მონაკვეთი. ასევე, წყალარინების ქსელის 200 მეტრი სიგრძის ამორტიზებული მონაკვეთი. წყალმომარაგების სტაბილურობისა და გაუმჯობესებისთვის კომპანიამ, ახალი ევროსტანდარტის ჩამკეტ-მარეგულირებელი ურდულები დაამონტაჟა.

აღნიშნული სამუშაოები დღეს, „ჯორჯიან უოთერ ენდ ფაუერის“ ოპერაციული მართვის დირექტორმა მამუკა კიკალიშვილმა და დიდუბის რაიონის გამგებელმა ირმა ზავრადაშვილმა მოინახულეს.

ქუთაისის ქუჩაზე, სარეაბილიტაციო სამუშაოებს, დიდუბის რაიონის გამგეობა 10 სექტემბრისთვის დაასრულებს. აღნიშნულ ქუჩაზე ასფალტის ახალი საფარი დაიგება.

ახლადშეცვლილი წყალსადენის ქსელის ექსპლუატაციაში გაშვების მიზნით დღეს, 2 სექტემბერს, საღამოს 16:00-დან ხვალ, 3 სექტემბერს 09:00 საათამდე, წყალმომარაგება შეუწყდება დიდუბის რაიონის ნაწილს:

კვნიყაძის , თევდორე მღვდლის, ცაბაძის, ყიფიანის, ბათუმის, ფოთის, ს.მეტრეველის, იამანიძის, ქურდიანის, გაფრინდაულის, აგლაძის, ქუთაისის, ევდოშვილის, ვ. ბაგრატიონის, გორის, ფიფიების, ფიფიას, ვორონინის, სოხუმის, ზუგდიდის, ცემის, კედიას, კერესელიძის, ხოშარაულის, ვანის, ბაქრაძის, სტანისლავსკის, სამტრედიის, წყალტუბოს, მირცხულავას, თ.ერისთავის, ტრანსპორტის, აბასთუმნის, დგებუაძის ქუჩებს; რობაქიძის ქუჩის N7-ს და წინამძღვრიშვილის ქუჩის N133- დან N137-ის ჩათვლით და N176-დან N200-ის ჩათვლით. წერეთლის გამზირს და დ.აღმაშენებლის გამზირის N171-დან N197-ის ჩათვლით და N144-დან N184-ის ჩათვლით. მარცხენა სანაპიროს - მარჯანიშვილის ხიდიდან დიღმის ხიდამდე.

წყალმომარაგების შეწყვეტისა და აღდგენის შესახებ ინფორმაცია, „ჯორჯიან უოთერ ენდ ფაუერის“ აბონენტებს წინასწარ, SMS-შეტყობინების სახით ეგზავნებათ.