თბილისის პარასპორტის განვითარების ცენტრში გუშინ ქართველი სპორტსმენების რიოს პარალიმპიადაზე გაცილების ცერემონია გაიმართა. სპორტსმენთა პირველი ნაკადი ბრაზილიაში პარალიმპიადაზე საასპარეზოდ დღეს გაემგზავრა.

რიოს პარალიმპური თამაშების ლიცენზია ხუთმა ქართველმა პარასპორტსმენმა მოიპოვა: პარამშვილდოსნობა – ვანო წიკლაური – გამოვა 10 სექტემბერს, 15.00 სთ; პარაძიუდო – ზვიად გოგოჭური – გამოვა 10 სექტემბერს, 10.00 სთ; წოლჭიმი (შტანგა) – აკაკი ჯინჭარაძე – გამოვა 13 სექტემბერს, 16.00სთ; პარაცურვა – ლია ჩაჩიბაია – გამოვა14 სექტემბერს, 09.30სთ; ეტლით ფარიკაობა – ირმა ხეცურიანი – გამოვა 14 სექტემბერს, 09.00სთ.

არალიმპური თამაშები 7-18 სექტემბერს პარასპორტის 23 სახეობაში გაიმართება.