გონიოში სამხედრო წვრთნებისას დაკარგული ერთ-ერთი სამხედრო მოსამსახურის მამა ვლადიმერ შარაძე თავდაცვის სამინისტროსა და პრემიერ-მინისტრს თხოვნით მიმართავს. შარაძე მოითხოვს არ შეწყდეს სამძებრო სამშაოები:

"რაც დრო გადის, მით უფრო ვმწარდებით და რა გზას დავადგეთ აღარ ვიცით. გემი წავიდა. ძალიან დიდი იმედი მქონდა, რომ იპოვიდა ცხედრებს. თხოვნით მივმართავ თავდაცვის სამინისტროს და პრემიერ-მინისტრს, არ შეაჩერონ სამძებრო სამუშაოები, გამოინახოს კიდევ რაღაც საშუალება რომ ახალგაზრდა ჯარისკაცები დაკარგულად არ გამოაცხადონ, გამოიყვანონ ცხედრები.

სანამ წვრთნებს დაიწყებდნენ ორი დღით ადრე ვნახე ჩემი შვილი. მითხრა, ოღონდაც ეს ტრენინგები გადავაგორო და მეტი არაფერი მინდაო. ყურის ანთება აქ ვარჯიშების დროს დაემართა, ჯერ არ იყო ბოლომდე განკურნებული. ჩემი შვილი არ იყო კარგად გაწვრთნილი და ასეთ რთულ ოპერაციაში ჩართეს. წვრთნების დროს არც სამაშველო ჰყავდათ მოყვანილი", - აღნიშნა ვლადიმერ შარაძემ.