იტალიაში, მიწისძვრის შედეგად ასეულობით ადამიანის დაღუპვის გამო საქართველოს კათოლიკოს პატრიარქი ილია მეორე მწუხარებას გამოთქვამს და რომის პაპს სამძიმრის წერილს უგზავნის:

„მის უწმინდესობას, რომის პაპ ფრანცისკეს.თქვენო უწმინდესობავ, საქართველოს მართლმადიდებელი ეკლესიისა და პირადად ჩემი სახელით გამოვთქვამთ ღრმა მწუხარებას იტალიის ქ. პერუჯაში და მის მიმდებარედ მომხდარი დიდი მიწისძვრის გამო, რომელმაც მრავალი ადამიანის სიცოცხლე შეიწირა და ათასობით უსახლკაროდ დატოვა. თქვენით ხალხისა და ქვეყნისთვის ამ მძიმე პერიოდში მინდა იცოდეთ, რომ ჩვენც თქვენს გვერდით ვართ და თანამოზიარენი ვართ თქვენი ტკივილისა.

გთხოვთ, ჩვენი სამძიმარი გადასცეთ გარდაცვლილთა და დაზარალებულთა ოჯახებს და იტალიის მოსახლეობას. შევთხოვ ღმერთს, მოანიჭოს იტალიას და მსოფლიოს მოსახლეობას მშვიდობა და თვისი წყალობა.“- ნათქვამია საქართველოს კათოლიკოს-პატრიარქის სამძიმრის წერილში.