ეკოლოგიის სამსახურის უფროსი, ნინო სულხანიშვილი თბილისში, ყაზბეგის გამზირზე მოჭრილ 45 ხესთან დაკავშირებით მორიგ კომენტარს აკეთებს. სულხანიშვილი დამნაშავის სტატუსით თანამდებობის დატოვებას არ აპირებს. იმ შემთხვევაში თუ სამართალდამცავი უწყებები კანონიდან რაიმე გადაცდენას აღმოაჩენს, მხოლოდ ამ მიზეზით არის მზად დატოვოს დაკავებული პოზიცია:

„ძალიან ბევრჯერ ვთქვი, რომ ჩემი გადადგომა არანაირ პრობლემას არ წარმოადგენს, ამ ეტაპზე მნიშვნელოვანია, რომ სიმართლე გაირკვეს და არ მოხდეს ისე, რომ ცილისწამებით, დამნაშავის სტატუსით მოხდეს ჩემი გადადგომა. თუ სამართალდამცავი ორგანოები დადებენ დასკვნას, რომ რაიმე გადაცდომას ან სამართალდარღვევას ჰქონდა ადგილი ჩვენი სამსახურის მხრიდან, რა თქმა უნდა აუცილებლად გადავდგები და ყველა საკითხზე ვაგებ პასუხს“, - აცხადებს ნინო სულხანიშვილი.