ვასილ მაღლაფერიძემ GDS დატოვა

საზოგადოება - 14:09, 23 Aug, 2016

3803

ტელეკომპანია GDS-ის გადაცემა 2030-ის პროდიუსერმა, ვასილ მაღლაფერიძემ ტელეკომპანია დატოვა. არხიდან წამოსვლის მიზეზად მაღლაფერიძე ტელევიზიის განვითარებასთან დაკავშირებით განსხვავებული აზრის ქონას ასახელებს. მაღლაფერიძის თქმით პიროვნული კონფლიქტი არ ყოფილა, მაგრამ პროფესიული დავა და კონფლიქტი იყო და როდესაც მიხვდა, რომ მუშაობა პროდუქტიული არ იქნებოდა, შესაბამისი გადაწყვეტილება მიიღო:

„ტელევიზიის ხელმძღვანელობას აქვს საკუთარი აზრი და ხედვა, რა მიმართულებით უნდა განვითარდეს ტელევიზია და როგორი უნდა გახდეს ის სამომავლოდ. ეს არის ჩამოყალიბებული და მწყობრი კონცეფცია, მაგრამ ასეთი ტიპის ტელევიზიაში მუშაობა ჩემთვის არ არის საინტერესო. უფრო სხვაგვარი ტელევიზია მაინტერესებს, მაგრამ ჩემს ფუნქციაში და უფლებამოსილებაში მხოლოდ აზრის გამოთქმა შედიოდა და ტელევიზიის მომავალზე გადაწყვეტილებას მე არ ვიღებდი. სამაგიეროდ შემიძლია გადაწყვეტილება მივიღო საკუთარ თავთან დაკავშირებით და მივიღე კიდეც. ამასობაში კონტრაქტიც სრულდება და ჩვენ ცივილიზებულად დავშორდით ერთმანეთს. მეც კმაყოფილი ვარ, რომ წამოვედი და, როგორც ჩანს, არც “ჯიდიესის” დირექციაა უკმაყოფილო.“- განაცხადა ვასილ მაღლაფერიძემ.