"ქურდობას ადგილი არ ჰქონია, გია მაისაშვილს არასწორი ინფორმაცია მიაწოდეს"- კონცერტის ორგანიზატორის განმარტება

საზოგადოება - 12:54, 23 Aug, 2016

5935

გია მაისაშვილის „ფეისბუქ“ მიმართვას, სადაც ეკონომისტი წერდა, რომ კაფე lake view bar & Lounge - მა საქველმოქმეხო კონცერტიდან 5000 ლარი მოიპარა, დიდი გამოხმაურება მოჰყვა.
"ნიუპოტის" რედაქციას აღნიშნული კონცერტის ორგანიზატორი გიორგი ხოსიტაშვილი დაუკავშირდა და აღნიშნა, რომ მაისაშვილს ინფორმაცია არასწორად მიაწოდეს კაფე lake view bar & Lounge-ს კი თანხა არ მოუპარავს.
ხოსიტაშვილი აცხადებს, მიერ კაფეს მიერ აღნიშნული თანხა იჯარის სახით იქნა აღებული.

"25 ივლისს გაიმართა ბატონი გია მაისაშვილისადმი მიძღვნილი საქველმოქმედო კონცერტი,რომელიც გაიმართა კუს ტბაზე, Lake View Bar & Lounge-ში, გავრცელებული ინფორმაციით, ბატონმა გიამ გააკეთა განცხადება, სადაც აღნიშნულია რომ ზემოთ ხსენებულმა ბარმა 5000 ლარი მოგვპარა, გვსურს განვაცხადოთ, რომ Lake View Bar & Lounge-ის მიერ იჯარის სახით ასაღები თანხა, 5000 ლარის ოდენობით წინასწარ იყო შეთანხმებული საორგანიზაციო ჯგუფთან, ასევე გვინდა ავღნიშნოთ რომ,ზემოხსენებულმა ბარმა თავის მხრივ დაგვიკლო 1000 ლარი, დანარჩენი 4000 ლარი მოხმარდა ტერიტორიის განახლებას, ინტერიერის შეცვლას, რომელიც საორგანიზაციო ჯგუფის მოთხოვნის შესაბამისად გაკეთდა და მომსახურებას და არანაირ ქურდობას ადგილი არ ჰქონია, ბატონ გიას სამწუხაროდ მიეწოდა არასწორი ინფორმაცია და ამ ინფორმაციაზე დაყრდნობით გააკეთა განცხადებაც,ორგანიზატორთა ჯგუფი ბოდიშს უხდის Lake View Bar & Lounge-ს შექმნილი ვითარებისთვის"- აცხადებს საქველმოქმედო კონცერტის ორგანიზატორი.