ქალაქ ზუგდიდის მერიის განათლების განყოფილების პროექტის ფარგლებში სხვადასხვა სკოლების 70 წარჩინებული მოსწავლე ურეკში, საზაფხულო ბანაკში დაისვენებს. ბანაკში მოსწავლეები სხვადასხვა შემეცნებით პროგრამებსა და გასართობ ღონისძიებებში ჩაერთობიან.

მერიის პროექტში ქალაქ ზუგდიდის 12-ვე საჯარო სკოლა მონაწილეობს.

მოსწავლეების პირველი ნაკადი ქალაქ ზუგდიდის მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურმა, სკოლების წარმომადგენლებმა და მშობლებმა დღეს გააცილეს. მოსწავლეები ბანაკში 26 აგვისტომდე დარჩებიან, შემდეგ კი მათ მეორე ნაკადი ჩაანაცვლებს.

ქალაქ ზუგდიდის მერია წარჩინებული მოსწავლეებისათვის მომავალშიც სხვადასხვა შემეცნებით პროექტებს განახორციელებს.