ოლიმპიადის ბოლოს წინა დღე წარმატებული გამოდგა საქართველოს ოლიმპიური ნაკრებისთვის. ქართველმა ფალავანმა, გენო პეტრიაშვილმა ბრინჯაოს მედლისთვის ორთაბრძოლაში ამერიკელი მოჭიდავე 30 წამში დაამარცხა და მედალს დაეუფლა.

ზემოთ აღნიშნული ფაქტის შემდეგ საქართველომ რიოს ოლიმპიადის მედლების საერთი ჩათვლაში 36-ე ადგილზე გადაინაცვლა. ჩვენი ქვეყნის ანგარიშში 2 ოქროს, 1 ვერცხლის და 4 ბრინჯაოს მედალია.

21 აგვისტოს, ოლიმპიურ თამაშებში სამი ქართველი სპორტსმენი მიიღებს მონაწილეობას. თავისუფალ ჭიდაობაში მედლების მოპოვებას 97 კგ. კატეგორიაში ელზბარ ოდიკაძე, ხოლო 65 კგ. კატეგორიაში ზურაბ იაკობაშვილი შეეცდება. ასევე, ხვალ მძლეოსან დავით ხარაზიშვილსაც ვიხილავთ.