"გამოძიებასთან დაკავშირებით როგორც კი იქნება სიახლე მოგაწვდით"- იზორიამ სამხედროების მშობლებს სამძებრო ღონისძიებებზე ინფორმაცია მიაწოდა

საზოგადოება - 11:55, 20 Aug, 2016

5813

თავადაცვის მინისტრი აცხადებს, რომ თავდაცვის სამინისტროს ორი კურსანტის დაკარგვის ფაქტზე დაწყებული გამოძიების შედეგებს მას შემდეგ გააცნობს საზოგადოებას, როგორც კი სიახლე იქნება.
იზორიამ თურქული ხომალდის მუშაობასთან დაკავშირებით გონიოში დაკარგული სამხედროების მშობლებს ინფორმაცია მიაწოდა.
მინისტრის თქმით, თურქეთის სასაზღვრო ძალების 650 ტონიანი სამძებრო ხომალდი Minehunter- ი აღჭურვილია მაღალტექნოლოგიური აპარატურით, რაც ოპერაციის ეფექტიანად განხორციელებას ხელს უწყობს.
"ხომალდი აღჭურვილია მაღალტექნოლოგიური აპარატურით, რაც შესაძლებელს ხდის ამ ოპერაციის ეფექტიანად განხორციელებას. ისინი ჩამოსულები არიან მინიმუმ სამი დღით, თუმცა იმის პირობასაც იძლევიან, რომ თუ არ გვექნა კონკრეტული შედეგი, გახანგრძლივდება პერიოდი და მაქსიმუმს გააკეთებენ. განწყობა არის ისეთი, რომ სანამ არ იქნება კონკრეტული შედეგი ისინი მუშაობას არ შეწყვეტენ. თუ არ დადგება შედეგი გვეტყვიან თუ რა არის კონკრტული მიზეზი. გარკვეული მეთოდოლოგია სჭირდება სამძებრო სამუშაოებს. უკვე განსაზღვრეს თუ რა რადიუსში უნდა იქნეს მოძებნილი ობიექტი და შეუდგნენ მუშაობას", - აღნიშნა ლევან იზორიამ.
თურქეთის სასაზღვრო ძალების 650 ტონიანი სამძებრო ხომალდი, რომელიც სიღრმეში ძებნა-გადარჩენის ოპერაციებზეა გათვლილი, გონიოს სანაპიროზე 07:00 საათზე შევიდა.
ხომალდის ეკიპაჟი 41 კაცს შეადგენს და სანავიგაციო რადარით არის აღჭურვილი.
თავდაცვის სამინისტროს ორი კურსანტი 16 აგვისტოს გონიოში წვრთნების დროს წყალში დაიკარგა. სამხედროებს მე-5 დღეა ეძებენ.
სამხედრო პოლიციაში აღძრულია სისხლის სამართლის საქმე 116-ე მუხლით, რაც სიცოცხლის გაუფრთხილებლობით მოსპობას გულისხმობს.