საღი ხეების მოჭრის სკანდალი - პროკურატურაში საჩივარი შევიდა

საზოგადოება - 15:49, 18 Aug, 2016

2541

"პარტიზანი მებააღეები" ყაზბეგის გამზირზე მოჭრილი ხეების საკითის შესწავლას პროკურატურისგან მოითხოვენ.

შესაბამისი განცხადება უწყებაში უკვე შევიდა. მოძრაობის წევრები იმედოვნებენ, რომ კონკრეტული პირების პასუხისმგებლობის საკითხი დადგება.

პარალელურად, სარჩელი მოამზადეს საიაშიც. სარჩელი მთავარ პროკურატურაში უკვე გადააგზავნეს. მათი მთავარი მოთხოვნა დროული რეაგირებაა.

„ფაქტი უნდა შეისწავლოს პროკურატურამ და გამოავლინოს, რა ზიანი მადგა გარემოს ამ მოქმედებით,“ - განაცხადა საქართველოს ახალგაზრდა იურისტთა ასოციაციის იურიდიული დახმარების ცენტრის კოორდინატორმა ნონა ქურდოვანიძემ.

აღსანიშნავია, რომ ამ საკითხზე თბილისის მერმა და გარემოს დაცვის მინისტრის მოადგილემ დახურულ კარს მიღმა იმსჯელეს.

თემურ მურღულია არ გამორიცხავს, რომ უახლოეს პერიოდში გარემოს დაცვის მინისტრი პარტიზან მებაღეებს შეხვდეს.

„ჩვენი ამოცანაა, მაქსიმალურად შევინარჩუნოთ არსებული ხეები. ეს არ ნიშნავს, რომ ქალაქში მშენებლობა გაჩერდება, ეს არ ნიშნავს, რომ ახალი არაფერი აღარ აშენდება. ჩვენი პოზიციაა ვიცოდეთ, ვინ დაუშვა შეცდომა, ან ვინ ჩაიდინა ბოროტი განზრახვა, ამას სჭირდება მოკვლევა,“ - განცხადა თემურ მურღულიამ.

ამის პარალელურად კი თბილისის მერიის ეკოლოგიისა და გამწვანების საქალაქო სამსახურის უფროსმა ნინო სულხანიშვილმ „რუსთავი 2“-თან სატელეფონო ჩართვაში განაცხადა: "არის ეჭვი, რომ მოჭრილია საღი ხეები".

„ახლა მზადდება საბუთები და მივმართავთ აუცილებლად პროკურატურას. ადგილზე როცა ვიყავი და ვნახე ეს ხეები, არის ეჭვი, რომ მოჭრილია საღი ხეები. აქ ორი ვერსიაა: ერთი ის, რომ მოიჭრა ის ხეები, რომლებზეც ნებართვა არ ყოფილა და იყო საღი იმ დასკვნის მიხედვით და მეორე, თვითონ დასკვნას აქვს პრობლემა. ჩვენ ველაპარაკეთ კომპანიის წარმომადგენლებს, რომლებმაც ეს დასკვნა გასცეს და გვითხრეს, რომ ისინი დაადასტურებენ თავიანთ სიმართლეს“, - განაცხადა ნინო სულხანიშვილმა.

"პარტიზანი მებაღეების" თქმით ისინი ბრძოლას იქმადე გააგრძელებენ, ვიდრე პაუხისმგებელი პირები არ დაისჯებიან.