სკანდალი: "ყაზბეგის გამზირზე ასწლოვანი ნაძვის მოჭრაზე ნებართვა მერიის გამწვანების სამსახურმა გასცა"

საზოგადოება - 19:39, 17 Aug, 2016

8499

საკრებულოს დამოუკიდებელი დეპუტატი ალეკო ელისაშვილი აცხადებს, რომ ყაზბეგის გამზირზე ასწლოვანი ნაძვის მოჭრაზე ნებართვა მერიის გამწვანების სამსახურმა გასცა.
"ყაზბეგის გამზირზე 24-ში დღეს დილით მოჭრეს ეს უზარმაზარი ხეები. მერიის გამწვანების სამსახურმა გასცა ამ ხეების მოჭრის ნებართვა. ნებართვა გაიცა კომპანია "ფორესტკომპანის" დასკვნის საფუძველზე. დასკვნაში ეწერა რომ ეს ხეები არის დაავადებული, გამხმარი და ზეხმელი. ადგილზე მოსულმა მერიის გამწვანების სამსახურის უპასუხისმგებლო ხელმძღვანელმა ნინო სულხანიშვილმა ისიც ვერ გაბედა ეთქვა რომ მოჭრილი ხეები არის უჯანმრთელესი. ამ ადამიანმა დაუყოვნებლივ უნდა დატოვოს თანამდებობა, ხოლო "ფორესტკომპანის" მავნებელ ექსპერტს ვინმე ალექსანდრე აფციაურს მოუწევს სისხლის სამართლის წესით პასუხისმგებლობა. ნარმანიას რაც შეეხება ის არის უსინდისო და სამარცხვინო არსება ! მილიონი მოჭრილი ხე. ტფუი მართლა რა" -წერს ელისაშვილი.

„პარტიზანი მებაღეები“ თბილისის მერიასთან აქციას მართავენ. მათი თქმით, ყაზბეგის 24 ნომერში, საღი ხეები, მათ შორის იშვიათი ჯიშის ვერცხლისფერი ნაძვები გაჩეხეს.

ყოფილი სისხლის გადასხმის ინტიტუტის ტერიტორიაზე ორი მრავალსართულიანი კორპუსის მშენებლობა იგეგმება.