დემურ სტურუას ცხედარი ოჯახის წევრებმა სამტრედიის პოლიციასთან დაასვენეს

საზოგადოება - 17:34, 13 Aug, 2016

29104

გარდაცვლილი 22 წლის დემურ სტურუას ცხედარი ოჯახის წევრებმა, სამტრედიის მუნიციპალიტეტის პოლიციის შენობასთან დაასვენეს.სტურუას ოჯახის წევრები პოლიციის შენობაშიც შევიდნენ, პოლიციელთა მოწოდებას, შენობა დაეტოვებინათ სტურუას დის პროტესტი მოჰყვა. სტურები ახალგაზრდას თვითმკვლელობამდე დაწერილ წერილში ნახსენები პოლიციელის დაუყოვნებლივ დაკავება კიდევ ერთხელ მოითხოვეს. მათი თქმით, სამართალდამცავი ამ დრომდე არ დაუკავებიათ.
დემურ სტურუა სოფელ დაფნარში დაკრძალეს.

სტურუას თვითმკვლელობამდე მიყვანის საქმეში დასახელებულმა პოლიციელმა გოდერძი თევზაძემ თანამდებობა საკუთარი ნებით დატოვა. ინფორმაციას ამის შესახებ შს სამინისტრო ავრცელებს, თევზაძე გამოძიების დასრულებამდე კადრების განყოფილებაშია გადაყვანილი.

მიმდინარე წლის 8 აგვიტოს, სამტრედიაში 22 წლის ახალგაზრდამ დემურ სტურუამ სიცოცხლე თვითმკვლელობით დაასრულა. სტურუამ სუიციდამდე წერილი დაწერა, სადაც საკუთარი გადაწყვეტილების მიზეზები განმარტა. როგორც ახალგაზრდა წერს, მას სამტრედიის ერთ-ერთი პოლიციელი, სამართალდამცავებთან თანამშრომლობას აიძულებდა.

დემურ სტურუა წერილში წერდა, რომ იმ შემთხვევაში, თუ ის პოლიციის, გოდერძი თევზაძის მოთხოვნებს არ შეასრულებდა, მას მოკლავდნენ. გარდა ამისა, სტურუა მის მიმართ განხორციელებულ ფიზიკურ ძალადობაზეც საუბრობდა მისი თქმით ის პოლიციის მანქანაში ცემეს.