სანამ პატრონები სხვადასხვა საქმეს აგვარებენ, რას აკეთებენ მათი შინაური ცხოველები? ფიქრობთ, რომ მოწყენილად ფანჯარაში იყურებიან, ან თუნდაც სახლს დარაჯობენ? საიდუმლო გახსნილია! თქვენ შესაძლებლობა გეძლევათ, ნახოთ შინაური ცხოველების საიდუმლო ცხოვრება, რა საინტერესო თავგადასავლებითა და კომიკური სიტუაციებით სავსე საათები აქვთ მაშინ, როდესაც პატრონი მათთან ერთად არაა. ‘’Minions’’-ის შემქმნელებისგან, მულტფილმის ‘’The Secret Life Of Pets’’ პრემიერა თბილისის კინოთეატრებში 13 აგვისტოს შედგება. იქამდე კი, ფილმის შეფასების შესაძლებლობა მედიას მიეცა.

მულტფილმის მოქმე

დება სახლში, მანჰეტენზე ვითარდება. მთავარი გმირი საყვარელი ძაღლი მაქსია, მისი პატრონი - ქეითი სახლში საცხოვრებლად მაწანწალა ძაღლს - დუკის მოიყვანს და სწორედ ამის შემდეგ ყველაფერი თავდაყირა დგება. მაქსი ეჭვიანობას იწყებს და ისინი ერთამენთს საოცარ თავსატეხებს უწყობენ.

პერსონაჟებს ლუის სეკეი, ერიკ სტოუნსტრიტი, კევინ ჰარტი, ალბერტ ბრუქსი, ელი კემპერი და სხვა ცნობილი ვარსკვლავები ახმოვანებენ. ‘’The Secret Life Of Pets’’ ალბერტ ბრუქსის გახმოვანებით რიგით მეოთხე ანიმაციური ფილმია მულტფილმების ‘’ნემოს ძიებაში’’, ‘’The Simpsons’’ და ‘’დორის ძიებაში’’ შემდეგ, ხოლო ერიკ სტოუნსტრიტისათვის კი რიგით პირველი ანიმაციური ფილმია, რომელსაც იგი ახმოვანებს.

მულტფილმი გადაიღეს რეჟისორებმა: კრის რენომ და იაროუ ჩეინმა. კომპანია ‘’Universal Picture’’-ის ბოლო ნამუშევრის - ‘’The Secret Life Of Pets’’ პროდიუსერია კომპანია - ‘’Illumination Entertainment’’, საკმაოდ ხშირად ხდება, რომ კარგად ნაცნობი ძველი პერსონაჟები კომპანიის მიერ გადაღებულ ახალ ნამუშევრებში ჩნდებიან. მულტიპლიკაციური ფილმის ბიუჯეტი 75 მილიონს შეადგენს.

მიუხედავად იმისა, რომ მულტფილმს არ აქვს წინამორბედი ნაწილი, მან ამერიკის შეერთებულ შტატებში გამართული პრემიერის შემდეგ 100 მილიონი ამერიკული დოლარის ფინანსური სარგებელი მოიტანა და ამით რეკორდიც მოხსნა.

როგორც უკვე აღვნიშნეთ, მულტფილმი ორი ძაღლის - მაქსისა და დუკის საინტერესო ისტორიას მოგვითრხობს, ‘’The Secret Life Of Pets’’ მსოფლიოში აპრობირებულ კონცეფციას ემყარება, რომლის მიხედვით არაერთი მულტფილმია გადაღებული. საკმაოდ ნათლადაა გადმოცემული ისეთი ცნებები, როგორებიცაა: ერთგულება, თავგანწირვა, მეგობრობა და ადამიანების სიყვარული ცხოველების მიმართ. ოდითგანვე ცნობილი ფაქტია, რომ ძაღლი განსაკუთრებულად ერთგულია, ესმიმს და თანაუგრძნობს გაჭირვებაში მყოფ ადამიანს. თითქოს თვალებით ყველაფერს გადმოსცემს და შველა უნდა, მის შესაძლებლობებში კი მხოლოდ თანაგრძნობის გამოხატვაა, თუმცა რეალურ ცხოვრებაში ბევრი გახმაურებული ფაქტია ცნობილი, როდესაც ძაღლები კრიტიკული სიტუაციიდან ხან ბავშვებს, ხანაც მოზარდებს გადაარჩენენ ხოლმე, გარდა ამისა, ადამიანის საუკეთესო მეგობარ ძაღლებზე ბევრი საინტერესო და უცნაური რამ გვსმენია, გვინახავს, როგორც რეალურ ცხოვრებაში, ასევე კინოსამყაროშიც, მაგალითად, ბრაინ ლევანტის რეჟისორობით ფილმი ‘’Beethoven’’ გაბრიელ ტროეპოლსკის ‘’შავყურა თეთრი ბიმი’’, საოცრად გონიერი ლესი ამავე სათაურის სერიალში, მულტფილმი ‘’ბალტო’’ და მრავალი სხვა. არაერთი საოცარი ისტორია წაგვიკითხავს გაზეთებსა თუ დიდ ლიტერატურულ ნაწარმოებებში. აღნიშნული მულტფილმიც ღირსეულ ადგილს დაიკავებს ადამიანის უერთგულეს მეგობარზე შექმნილი სხვა ნაწარმოებების რიგში.

3D-სა და IMAX-ში ამერიკული ანიმაციური კომედიის ნახვა თბილისის კინოთეატრებში თვის ბოლომდე იქნება შესაძლებელი.