მისაქციელში „CYNC ქსელების“ პრეზენტაცია გაიმართა

საზოგადოება - 15:54, 11 Aug, 2016

1159

დღეს მისაქციელში „CYNC ქსელების“ პრეზენტაცია გაიმართა, რომელსაც ბავშვთა და ახალგაზრდობის ეროვნული ცენტრი და სპორტისა და ახალგაზრდობის საქმეთა სამინისტრო ერთობლივად ახორცილებენ.

პრეზენტაციას სპორტისა და ახალგაზრდობის საქმეთა მინსტრის მოადგილე რევაზ ჯაველიძე და ბავშვთა და ახალგაზრდობის ეროვნული ცენტრის უფროსი გიგა გაბელაია ესწრებოდნენ, რომლებმაც მუნიციპალიტეტების და გუბერნიის წარმომადგენლებთან მიმდინარე და დაგეგმილი პროექტების შესახებ ისაუბრეს.

„Cync ქსელის“ პირველი ეტაპი დღეს დაიწყო და 15 აგვისტომდე გაგრძელდება.

64 მუნიციპალიტეტი (64 მონაწილე), გუბერნიის წარმომადგენლები (12 მონაწილე) და სსიპ ბავშვთა და ახალგაზრდობის ეროვნული ცენტრის 10 წარმომადგენელი, გაივლიან 5 დღიან ტრენინგს, რომლის დასრულების შემდეგ, რეგიონალური მუნიციპალიტეტებისა და გუბერნიების წარმომადგენლებს დაევალებათ თემის დონეზე შშმ იძულებით გადაადგილებულ და განსაკუთრებული საჭიროებების მქონე პირთა საჭიროებების განსაზღვრა და სოფლის რწმუნებულებთან აქტიური თანამშრომლობის ქსელის ჩამოყალიბება. ხოლო ოქტომბრის თვეში ჩატარდება ონლაინ კონფერენცია, რომელშიც მონაწილეობას მიიღებენ რეგიონალურ დონეზე მუნიციპალიტეტების წარმომადგენლები და სოფლის რწმუნებულები. აღნიშნულ ონლაინ შეხვედრაზე მონაწილეებმა უნდა წარმოადგინონ გაწეული სამუშაოს შუალედური ანგარიში და სამომავლო გეგმები. წლის ბოლოს, ნოემბრის თვეში, გაიმართება შემაჯამებელი ფორუმი თბილისში, სადაც მონაწილეებს საშუალება ექნებათ შეაფასონ შესრულებული სამუშაო და წარმოადგინონ სრულად გაწერილი სამომავლო საპროექტო იდეები, რომლის განხორციელება გათვალისწინებული ექნებათ მომდევნო წლის სამოქმედო გეგმაში.