რიოს ოლიმპიურ სოფელში მდებარე საქართველოს ნაკრების საცხოვრებელ კორპუსში წყლის მილები დაზიანდა, რის გამოც რამდენიმე ოთახში წყალი შევიდა, შენობაში კი სპეციალური საგანგაშო სიგნალი ჩაირთო და დროებითი ევაკუაცია გამოცხადდა.

გავრცელებული ინფორამციით, დაზიანება კორპუსის მე-12 სართულზე მოხდა. ადგილზე სამაშველო სამსახურის წარმომადგენლები მივიდნენ და პრობლემა რამდენიმე საათში გამოსწორდა.

წყლის მილების დაზიანების დროს შეიზღუდა ლიფტების ფუნქციონირება, რომელიც დღეს დილით აღდგა. ოლიმპიურ სოფელში არსებული ვითარების შესახებ ვიდეოები ქართველმა სპორტსმენებმა სოციალურ ქსელში განათავსეს. ქართველ სპორტსმენებთან ერთად კორპუსში ჩეხეთის, სლოვაკეთისა და ალბანეთის ნაკრებები ცხოვრობენ.