შრომის, ჯანდაცვისა და სოციალური დაცვის სამინისტრო ორ აფთიაქში ფსიქოტროპული პრეპარატის ურეცეპტოდ გაყიდვის ფაქტის ამსახველ ვიდეოს ავრცელებს. აღნიშნული აფთიქქები თემქისა და ნაძალადევის რაიონებში მდებარეობს.

დღეს გამართულ პრესკონერენციაზე ცნობილი გახდა, რომ 2 აგვისტოს რეგულირების სააგენტოს თანამშრომლებმა ორ აფთიაქში ურეცეპტოდ პირველი ჯგუფის ფარმაცევტული პროდუქტის რეალიზაციის ფაქტები გამოავლინეს. 4 აგვისტოს კი, ორივეს მიმართ ადმინისტრაციული სამართალდარღვევის ოქმი შედგა, რომელიც განსახილველდ სასამართლოს გადაეგზავნა.

ჯანდაცვის მინისტრი დავით სერგეენკო მოსახლეობას მოუწოდებს, ფსიქოტროპული მედიკამენტების ურეცეპტოდ გაყიდვის ფაქტის აღმოჩენისას სამინისტროს ცხელ ხაზზე 1505-ზე დარეკონ, ყველა ზარზე უწყება რეაგირებას მოახდენს.