ზურაბ ჟვანიას სახელობის სახელმწიფო ადმინისტრირების სკოლაში 30 ივლისს სერტიფიკატების გაცემის ღონისძიება გაიმართება

საზოგადოება - 14:33, 28 Jul, 2016

1392

საქართველოს განათლებისა და მეცნიერების სამინისტროს სსიპ ზურაბ ჟვანიას სახელობის სახელმწიფო ადმინისტრირების სკოლა 2016 წლის 30 ივლისს გამართავს სერტიფიკატების გადაცემის ღონისძიებას საჯარო მართველობისა და ადმინისტრირების პროგრამის დარგობრივი კურსების 2016 წლის მეორე ნაკადის კურსდამთავრებულთათვის. სერტიფიკატები გადაეცემა 63 კურსდამთავრებულს. საჯარო მოხელეები წარმოდგენილნი არიან საქართველოს სხვადასხვა რეგიონებიდან და ქალაქებიდან: მარნეულის, წალკის, ლაგოდეხის, გარდაბანის, საგარეჯოს, ნინოწმინდის, ცაგერის, ამროლაურის, ხარაგაულის, ყაზბეგის, დუშეთის, შუახევის მუნიციპალიტეტის გამგეობებიდან.

სსიპ ზურაბ ჟვანიას სახელობის სახელმწიფო ადმინისტრირების სკოლა 2005 წელს დაარსდა.
2014 წლიდან სკოლა ფუნქციონირებს განახლებული სასწავლო პროგრამებით. სსიპ ზურაბ ჟვანიას სახელობის სახელმწიფო ადმინისტრირების სკოლაში საჯარო მოხელეთა გადამზადება ხორციელდება შემდეგი პროგრამების ფარგლებში: ,,საჯარო მმართველობა და ადმინისტრირება“, ,,სახელმწიფო ენის სწავლების პროგრამა” და ,,კომპიუტერული ტექნოლოგიების შემსწავლელი საბაზისო პროგრამა“ და ,,საქართველო და ევროატლანტიკური ინტეგრაცია.“

სკოლა განსაკუთრებულ ყურადღებას უთმობს ეთნიკური უმცირესობების წარმომადგენლებს და სპეციალური საგანმანათლებლო პროგრამებით ხელს უწყობს მათ სამოქალაქო ინტეგრაციას.

დარგობრივი კურსების პარალელურად სკოლის 8 რეგიონულ სასწავლო ცენტრსა (დმანისი, ახალქალაქი, ნინოწმინდა, წალკა, ბოლნისი, მარნეული, გარდაბანი, საგარეჯოს მუნიციპალიტეტის სოფელი ლამბალო) და მობილურ ჯგუფებში ზურაბ ჟვანიას სახელობის სახელმწიფო ადმინისტრირების სკოლა ახორციელებს სახელმწიფო ენის სწავლებას ნებისმიერი დაინტერესებული პირისათვის, ვისაც სურვილი აქვს შეისწავლოს ქართული ენა ან გაიღრმავოს ცოდნა ამ მიმართულებით.

სახელმწიფო ენის სწავლების პროგრამა სრულად ფინანსდება სახელმწიფოს მიერ.

მოწვეული სტუმრები: აღნიშნულ ღონისძიებაზე მოწვეულნი იქნებიან ქალაქ ქუთაისის მუნიციპალიტეტში ადგილობრივი თვითმმართველობისა და აღმასრულებელი ორგანოების წარმომადგენლები, პარლამენტის წევრები და ქუთაისის აკაკი წერეთლის სახელობის სახელმწიფო უნივერსიტეტის რექტორი.