ახალი ენერგეტიკული სასმელი - ქართული რაგბის განვითარების ხელშესაწყობად

სპორტი - 12:35, 27 Jul, 2016

4477

2016 წლის 28 ივლისს, 15:00 საათზე, სასტუმრო “რადისონ ბლუ ივერიაში” ხელი მოეწერება სასპონსორო ხელშეკრულებას საქართველოს რაგბის კავშირსა და შპს „კანტს“ შორის.

ახალი ენერგეტიკული სასმელის, სავაჭრო მარკით - „16TH“ (მეთექვსმეტე), შექმნის უმთავრესი მიზანი, საქართველოში რაგბის განვითარების ხელშეწყობაა.

საქართველოს ტერიტორიაზე რეალიზებული ყოველი ერთეული ენერგეტიკული სასმელი „16TH“-დან, 5 თეთრი გადაირიცხება საქართველოს რაგბის კავშირში.

ამიერიდან, საქართველოში მცხოვრებ თითოეულ ადამიანს, შეეძლება მონაწილეობა მიიღოს ბორჯღალოსნების მომავალ მიღწევებში, როგორც ყველაზე საამაყო ეროვნული ნაკრების მეთექვსმეტე მოთამაშემ.

დაგროვილი ფინანსები მოხმარდება საქართველოს რაგბის ინფრასტრუქტურის იმ ნაწილს, რომელსაც, შესაბამისი მომენტისთვის, ახალი ენერგია მეტად დასჭირდება.

ინფორმაცია აკუმულირებული ფინანსების და გაწეული ხარჯების შესახებ იქნება საჯარო და ყოველთვიურად დაიდება ვებ-გვერდზე www.16th.ge. 17 ივლისის მონაცემებით აკუმულირებული თანხა შეადგენს 80 374,10 ლარს.

წლის ბოლოს რაგბის კავშირში დაახლოებით 250 000-500 000 ლარამდე ჩაირიცხება. 3 წლის შემდეგ ენერგეტიკული სასმელი ,,16TH “ რაგბის კავშირის ერთ-ერთი ძლიერი პარტნიორი იქნება.

ხელშეკრულებას ხელს მოაწერენ შპს „კანტის“ გენერალური დირექტორი ალეკო ხომერიკი და რაგბის კავშირის პრეზიდენტი გოჩა სვანიძე.