საქართველოს რეგიონალური ჩემპიონატი ლაშქრობაში

საზოგადოება - 13:07, 23 Jul, 2016

2815

მოლაშქრეთა ეროვნული ფედერაციის და საქართველოს სპორტისა და ახალგაზრდობის საქმეთა სამინისტროს ინიციატივით 2 ივლისიდან დაიწყო საქართველოს რეგიონალური ჩემპიონატი ლაშქრობაში, რომელში მონაწილეობასაც რეგიონალური მოლაშქრეთა კლუბები იღებენ საქართველოს ყველა მუნიციპალიტეტიდან.
სალაშქრო რალი ჯეოქეჩინგის (Geocaching) პრინციპზე აგებული შეჯიბრია. 5 ადამიანისგან შემდგარი მოლაშქრეთა გუნდები ვალდებულნი არიან გაიარონ წინასწარ შერჩეული ბილიკები და იპოვონ გზაზე დამალული ნიშნულები GPS ნავიგატორის დახმარებით.

თითოეულ გუნდს მოლაშქრეთა ეროვნული ფედერაციის ლაშქრობის 1 ინსტრუქტორი გაყვება და გააკონტროლებს სამართლიან თამაშს. საბოლოოდ კი მონაწილეებს ბანაკში შეაფასებს კომპეტენტური ჟიური.

სალაშქრო რალი ეტაპობრივად ერთი კვირის ინტერვალით გაიმართება საქართველოს ყველა რეგიონში:

იმერეთის მუნიციპალიტეტები - კურორტ საირმის ბილიკები
კახეთის მუნიციპალიტეტები - პანკისის ხეობის ბილიკები
გურიისა და აჭარის მუნიციპალიტეტები - მტირალას ეროვნული პარკი
მცხეთა მთიანეთისა და შიდა ქართლის მუნიციპალიტეტები - თბილისის ეროვნული პარკი
ქვემო ქართლისა და სამცხე ჯავახეთის მუნიციპალიტეტები - ალგეთის ეროვნული პარკი
სამეგრელო-ზემო სვანეთის მუნიციპალიტეტები - სამეგრელოს გეგმარებითი დაცული ტერიტორიები
რაჭა-ლეჩხუმის და ქვემო სვანეთის მუნიციპალიტეტები - რაჭის გეგმარებითი დაცული ტერიტორიები

ხოლო ფინალური შეხვედრა, რომელში მონაწილეობასაც ყველა რეგიონის გამარჯვებული გუნდები მიიღებენ ბორჯომ-ხარაგაულის ეროვნულ პარკში გაიმართება

პროექტის მხარდამჭერები არიან საქართველოს გარემოსა და ბუნებრივი რესურსების დაცვის სამინისტრო და კომპანია "Geoland"