ლაგოდეხის რაიონის სოფელ ჩადუნიანში მოქალაქე დააყაჩაღეს. მესაქონლე ნამიგ ალმარდანოვი სასტიკად ნაცემია.

მამაკაცს ცეცხლსასროლი იარაღის მუქარით 3000 ლარზე მეტი თანხა გასტაცეს.

როგორც დაზარალებული ყვება, მას უცნობმა პირმა ტელეფონზე დაურეკა და საქონლის ყიდვა შესთავაზა, რის შემდეგაც სოფლიდან 1 კილომეტრის დაშორებით გაიტყუა.

როგორც "ნიუპოსტს" შინაგან საქმეთა სამინისტროში განუცხადეს, შემთხვევა რამდენიმე დღის წინ მოხდა. სამართალდამცავებმა კი ორივე ეჭვმიტანილი ცხელ კვალზე დააკავეს.

უწყების ცნობით, ამოღებულია გატაცებული თანხის ნაწილი.

გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს.